January 28, 2023
January 28, 2023
ന്യൂസ്‌റൂം ബ്യുറോ
ദോഹ: സഫിയ അജിത് സ്മരണാർത്ഥം യുവകലാസാഹിതി ഖത്തർ,സി.സി.സി. മലയാളി സമാജവുമായി ചേർന്ന് റാസ് ലഫാൻ ഇൻടസ്ട്രിയൽ സിറ്റിയിലെ ഗ്ലോബൽ വില്ലേജിൽ തൊഴിലാളികൾക്കായി ബോധവൽകരണ ക്ലാസ് നടത്തി.പ്രവാസികൾക്കായുള്ള ക്ഷേമനിധി പദ്ധതികളെയും പുനരധിവാസ പദ്ധതികളെയും കുറിച്ചുള്ള ബോധവൽക്കരണ ക്യാമ്പയിൻ ഇന്ത്യൻ കൾച്ചറൽ സെന്റർ പ്രസിഡന്റ് ശ്രീ. ബാബുരാജ് ഉദ്ഘാടനം ചെയ്തു.
പ്രമുഖ സാമൂഹ്യ പ്രവർത്തകൻ അബ്ദുൽ റഊഫ് കൊണ്ടോട്ടി നോർക്കയെക്കുറിച്ചും പ്രവാസി ക്ഷേമനിധി, പ്രവാസി ഇൻഷുറൻസ് പദ്ധതികൾ, മറ്റു പുനരധിവാസപദ്ധതികളെ കുറിച്ചും വിശദീകരിച്ചു.,ഇതുസംബന്ധിച്ച സംശയങ്ങൾക്ക് അദ്ദേഹം മറുപടി നൽകി.
ഗ്ലോബൽ വില്ലേജിലെ C4 ക്യാമ്പിൽ വെള്ളിയാഴ്ച രാവിലെ 8 മണിക്ക് തുടങ്ങിയ ക്യാമ്പയിന് മലയാളിസമാജം പ്രസിഡന്റ് . ജോപ്പൻ ആന്റണി അദ്ധ്യക്ഷത വഹിച്ചു. യുവകലാസാഹിതി ജോയിന്റ് സെക്രട്ടറിയും,സിസിസി മലയാളി സമാജം രക്ഷാധികാരിയുമായ റജി പുത്തൂരാൻ ക്യാമ്പയിന് സ്വാഗതം ആശംസിച്ചു.
ഇന്ത്യൻ കൾച്ചറൽ സെന്റർ പ്രസിഡന്റ് ശ്രീ. ബാബുരാജ് ഉദ്ഘാടനം നിർവ്വഹിച്ച പരിപാടിയിൽ യുവകലാസാഹിതി സെക്രട്ടറി ശ്രീ.രാഗേഷ് കുമാർ, യുവകലാസാഹിതി നോർക്ക വിങ്ങ് താൽക്കാലിക ചുമതലക്കാരൻ ഷാൻ പേഴുംമൂട് തുടങ്ങിയവർ ആശംസകൾ അറിയിച്ചു.
നൂറിലധികം പേർ പങ്കെടുത്ത ക്യാമ്പയിനിൽ യുവകലാസാഹിതി എക്സിക്യൂട്ടിവ് അംഗം:ജീമോൻ ജേക്കബ്,ഷാൻ പേഴുംമൂട് , മലയാളി സമാജം സെകട്ടറി സാമുവൽ ജോർജ് തുടങ്ങിയവരുടെ നേതൃത്വത്തിൽ നിരവധി പേർ പ്രവാസി ക്ഷേമ പദ്ധതികളിലും, ഐസിബിഎഫ് ഇൻഷുറൻസ് പദ്ധതികളിലും അംഗങ്ങളായി ചേർന്നു..
യോഗത്തിന് യുവകലാസാഹിതി എക്സിക്യൂട്ടിവ് അംഗം ലാലുവും, മലയാളി സമാജം എക്സിക്യൂട്ടീവ് അംഗം ജോൺ ബിനുമോനും നന്ദി അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
