January 30, 2023
January 30, 2023
അൻവർ പാലേരി
ദോഹ: ഖത്തർ ലോകകപ്പ് ആരാധകർക്കും സംഘാടകർക്കുമുള്ള ഹയ്യ കാർഡിന്റെ സാധുത നീട്ടുന്നതായി ആഭ്യന്തര മന്ത്രാലയം (MoI) അറിയിച്ചു.ഇതനുസരിച്ച്, രാജ്യത്തിന് പുറത്തുള്ള ഹയ്യ കാർഡ് ഉടമകൾക്ക് 2024 ജനുവരി 24 വരെ ഖത്തറിൽ പ്രവേശിക്കാൻ അനുവാദമുണ്ടാവും.താഴെ പറയുന്ന വ്യവസ്ഥകൾക്കും നിബന്ധനകൾക്കും അനുസരിച്ചായിരിക്കും പ്രവേശനം.
നിബന്ധനകൾ :
1- സ്ഥിരീകരിച്ച ഹോട്ടൽ റിസർവേഷൻ അല്ലെങ്കിൽ കുടുംബാംഗങ്ങൾക്കോ സുഹൃത്തുക്കൾക്കൊപ്പമോ ഉള്ള താമസ സൗകര്യത്തിനുള്ള തെളിവ് ഹയ്യ പോർട്ടലിലൂടെ നൽകിയിരിക്കണം.
2- ഖത്തറിലെത്തുമ്പോൾ പാസ്‌പോർട്ടിൽ മൂന്ന് മാസത്തിൽ കുറയാത്ത സാധുത ഉണ്ടായിരിക്കണം.
3- ഖത്തറിൽ താമസിക്കുന്ന കാലയളവിൽ ആരോഗ്യ ഇൻഷുറൻസ് പരിരക്ഷ ഉണ്ടായിരിക്കണം.യാത്രക്ക് മുമ്പ് ഇത് ഉറപ്പുവരുത്തേണ്ടതാണ്.
4- തിരിച്ചു പോകാനുള്ള വിമാന ടിക്കറ്റ്.
'ഹയ്യ വിത്ത് മി' ഹയ്യ കാർഡ് ഉടമകൾക്ക് മൂന്ന് കുടുംബാംഗങ്ങളെയോ സുഹൃത്തുക്കളെയോ വരെ ഖത്തറിലേക്ക് കൊണ്ടുവരാൻ കഴിയും.2024 ജനുവരി 24 വരെയുള്ള കാലയളവിൽ നിരവധി തവണ രാജ്യം സന്ദർശിക്കാനുള്ള മൾട്ടിപ്പിൾ എൻട്രി പെർമിറ്റ് ആണ് അനുവദിക്കുക.വിമാനത്താവളത്തിലോ മറ്റു പ്രവേശന മാർഗങ്ങളിലോ സന്ദർശകർക്ക് ഇ-ഗേറ്റ് വഴി പുറത്തുകടക്കാനാവും.സന്ദർശകരിൽ നിരക്കൊന്നും ഈടാക്കില്ലെന്നും മന്ത്രാലയം അറിയിച്ചു.
2022 ഫിഫ ലോകകപ്പിനായി ഉപയോഗിച്ച എല്ലാ തരം ഹയ്യ കാർഡ് ഉടമകൾക്കും മേൽപറഞ്ഞ ആനുകൂല്യങ്ങളും വ്യവസ്ഥകളും ഉപയോഗിച്ച് ഖത്തർ സന്ദർശിക്കാവുന്നതാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
