March 20, 2023
March 20, 2023
ന്യൂസ്‌റൂം ബ്യൂറോ
ദോഹ: ഇസ്ലാമോഫോബിയയടക്കമുള്ള എല്ലാ തരം അസഹിഷ്ണുതയെയും ചെറുക്കുന്നതിന് ഫലപ്രദമായ നടപടി സ്വീകരിക്കുമെന്ന് ഖത്തര്‍ അറിയിച്ചു. ജനീവയില്‍ അന്താരാഷ്ട്ര മനുഷ്യവകാശ കൗണ്‍സിലിന്റെ 52-ാമത് റെഗുലേഷന്‍ സമ്മേളനത്തോടനുബന്ധിച്ചു നടന്ന പരിപാടിയിലാണ് യുഎന്‍ ഓഫീസിലെ ഖത്തര്‍ സെക്രട്ടറി ഇക്കാര്യം വ്യക്തമാക്കിയത്.
വാക്കുകളാലും, ശാരീരിക ആക്രമണങ്ങളാലുമാണ് ഇസ്ലാമോഫോബിയ പ്രകടിപ്പിക്കുന്നത്. വിശുദ്ധ ഖുര്ആന് കത്തിച്ച് മുസ്ലിംങ്ങളോടുള്ള വിദ്വേഷവും അനാദരവും പ്രകടിപ്പിക്കുകയാണ്. വിശുദ്ധ ഖുര്ആന് മുസ്ലീംങ്ങളുടെ മനസ്സില്‍ പ്രത്യേക സ്ഥാനമുണ്ട്. ഇത്തരത്തില്‍ വിദ്വേഷം പ്രകടിപ്പിക്കുന്നത് തടയണമെന്ന് അദ്ദേഹം ആവശ്യപ്പെട്ടു. എല്ലാവരും മാന്യമായി പൊരുമാറുന്ന ഒരു ലോകം സൃഷ്ടിക്കാനാണ് ശ്രമിക്കേണ്ടത്. എല്ലാവരും വിലമതിക്കുന്ന നീതി, സമത്വം, മനുഷ്യാവകാശം എന്നീ മൂല്യങ്ങള്‍ക്കെതിരെ തുരങ്കം വെക്കുന്നവരെ ചെറുക്കാനാണ് ശ്രമിക്കേണ്ടതെന്ന് അദ്ദേഹം ഓര്‍മ്മപ്പെടുത്തി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva
