April 16, 2020
April 16, 2020
മസ്കത്ത് : ഗൾഫ് രാജ്യങ്ങളിൽ കോവിഡ് ബാധിതരുടെ എണ്ണം ഏറ്റവും കുറവായിരുന്ന ഒമാനിലും രോഗികളുടെ എണ്ണം കുത്തനെ ഉയരുന്നു. ഇന്ന് (വ്യാഴം) 109 പേർക്കാണ് രോഗം സ്ഥിരീകരിച്ചത്.ഇതില്‍ 97 പേരും പ്രവാസികളാണ്. വ്യാഴാഴ്ചയിലെ റിപ്പോര്‍ട്ട് പ്രകാരം പുതുതായി അസുഖ ബാധിതരായവരില്‍ 88 പേരും മസ്കത്ത് ഗവര്‍ണറേറ്റില്‍ നിന്നുള്ളവരാണ്.ഇതോടെ രാജ്യത്ത് കൊറോണ വൈറസ് ബാധിച്ചവരുടെ എണ്ണം 1019 ലെത്തിയെന്ന് ഒമാന്‍ ആരോഗ്യ മന്ത്രാലയം അറിയിച്ചു .
1019 കൊവിഡ് കൊറോണ വൈറസ് ബാധിതരില്‍ 636 പേര്‍ വിദേശികളും 384 പേര്‍ ഒമാന്‍ സ്വദേശികളുമാണ്. അതേസമയം കൊറോണ സ്ഥിരീകരിച്ചതിനെ തുടര്‍ന്ന് ചികിത്സയിലായിരുന്ന 45 പേര്‍ രോഗവിമുക്തിനേടി.ഇതോടെ രോഗ മുക്തരായവരുടെ എണ്ണം 176 ആയി. നാലു പേരാണ് ഒമാനില്‍ കൊറോണ വൈറസ് ബാധിതരായി മരിച്ചത്.
ന്യുസ്‌റൂം വാർത്തകൾ മുടങ്ങാതെ വാട്സ്ആപ്പിൽ ലഭിക്കാൻ +974 66200167 എന്ന ഖത്തർ വാട്സ് ആപ് നമ്പറിലേക്ക് സന്ദേശമയക്കുക.
