May 18, 2024
May 18, 2024
ദോഹ :അഞ്ചാമത് വെളിച്ചം ഖുർആൻ സംഗമത്തിന്റെ ഭാഗമായി വളണ്ടിയർ ഓറിയന്റേഷൻ പ്രോഗ്രാം ഖത്തർ നാഷണൽ കൺവെൻഷൻ സെൻററിൽ നടന്നു. മെയ് 24ന് നടക്കുന്ന പരിപാടിയുടെ ഒരുക്കങ്ങൾ യോഗം വിലയിരുത്തി.
ഖത്തറിലെ ഏറ്റവും വലിയ കൺവെൻഷൻ സെൻററിൽ ആദ്യമായി മലയാളത്തിൽ നടക്കുന്ന ഖുർആൻ സമ്മേളനത്തിൽ അയ്യായിരത്തോളം ആളുകൾ പങ്കെടുക്കും. പരിപാടിയുടെ വിജയകരമായ നടത്തിപ്പിനായി നാനൂറ് പേരടങ്ങുന്ന വളന്റിയർ സംഘം പൂർണ്ണമായും സജ്ജമായതായി സംഘാടകർ അറിയിച്ചു. രാവിലെ 9 മണിമുതൽ വിവിധ സെഷനുകളിലായി നാട്ടിൽ നിന്നുള്ള പ്രമുഖ വ്യക്തികൾ വിഷയങ്ങൾ അവതരിപ്പിക്കും.
പ്രൊഫസർ എൻ വി സക്കരിയ മൗലവി, വെളിച്ചം ചെയർമാൻ ഡോ. അബ്ദുൽ അഹദ് മദനി, ഫിനാൻസ് ചെയർമാൻ എ.പി ആസാദ്, ജനറൽ കൺവീനർ മുനീർ സലഫി, ചീഫ് കോർഡിനേറ്റർ അക്ബർ കാസിം, വളണ്ടിയർ ചെയർമാൻ ഇല്യാസ് മാസ്റ്റർ, അബ്ദുൽറഊഫ് കൊണ്ടോട്ടി എന്നിവർ സംസാരിച്ചു. യു. ഹുസൈൻ മുഹമ്മദ്, ബഷീർ മൈബേക്ക്, മഹ്റൂഫ് മാട്ടൂൽ, സുബൈർ വക്ര, ഷമീർ പികെ, ജിപി കുഞ്ഞാലിക്കുട്ടി, സി. കെ ശരീഫ്, സലാം ചീക്കോന്ന്, ഹനീഫ അയ്യപ്പള്ളി, ഷമീർ ടി കെ, ബഷീർ ഇ വി, നൗഷാദ് കരിപ്പ്, അജ്മൽ, മുഹമ്മദ് അനീസ് തുടങ്ങിയവർ നേതൃത്വം നൽകി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F