October 02, 2023
October 02, 2023
മുംബൈ : മുംബൈയിലെ ക്രാഫോര്‍ഡ് മാര്‍ക്കറ്റില്‍ സൗദി വനിതാ ടൂറിസ്റ്റിനെ പോക്കറ്റടിച്ച മൂന്നംഗ സംഘത്തെ മുംബൈ പോലീസ് അറസ്റ്റ് ചെയ്തു. മാര്‍ക്കറ്റില്‍ വെച്ച് സൗദി വനിതയുടെ ബാഗില്‍ നിന്ന് പണവും വിലപിടിച്ച വസ്തുക്കളും സംഘം മോഷ്ടിക്കുകയായിരുന്നു. 22 വയസ്സ് , 40 വയസ്സ്, 45 വയസ് എന്നീ പ്രായമുള്ള വനിതകളാണ് അറസ്റ്റിലായത്.
ബ്ലേഡ് ഉപയോഗിച്ച് കീറിയാണ് സംഘം ബാഗിൽ നിന്ന് പണവും വിലപിടിച്ച വസ്തുക്കളും കവര്‍ന്നത്. പോക്കറ്റടിക്കപ്പെട്ടതായി മനസിലാക്കിയ സൗദി യുവതി ഉടനെ പോലീസില്‍ പരാതി നല്‍കുകയായിരുന്നു. പൊലീസിന് പരാതി ലഭിച്ചതിനെ തുടർന്ന്, പ്രദേശത്തെ സി.സി.ടി.വി ദൃശ്യങ്ങള്‍ പരിശോധിച്ചു. സി.സി.ടി.വി ദൃശ്യങ്ങള്ളിൽ നിന്ന് മൂന്നംഗ സംഘം സൗദി വനിതയുടെ ബാഗില്‍ നിന്ന് പണവും മറ്റും കവര്‍ന്നതായി തെളിഞ്ഞു.
അതേസമയം, മറ്റ് നിരവധി കവര്‍ച്ചകളും പോക്കറ്റടികളും സംഘം നടത്തിയതായി അന്വേഷണത്തില്‍ വ്യക്തമായിട്ടുണ്ട്. സ്ത്രീകളും, പ്രായമായവരും, കുട്ടികളുമായിരുന്നു സംഘത്തിന്റെ പ്രധാന ഇരകള്‍.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/FSQLmJGMow51SCIIBEEcWV
