October 01, 2023
October 01, 2023
റിയാദ്: സൗദി ദേശീയ വിമാന കമ്പനിയായ സൗദി എയർലൈൻസ് ഇനി പുതിയ രൂപത്തിൽ. ലോഗോയും ക്യാബിൻ ക്രൂവിന്റെ യൂനിഫോമും മാറി. ജിദ്ദയിൽ നടന്ന ചടങ്ങിൽ എയർലൈൻസിന്റെ പുതിയ ലോഗോ പ്രകാശനം ചെയ്തു.
1980 കളിലെ ലോഗോയിൽ ചെറിയ പരിഷ്കാരങ്ങളുൾപ്പെടുത്തിയും, സൗദി ഐഡൻറിറ്റി ആധികാരികതയോടെ എടുത്തുകാണിക്കുന്ന നിറങ്ങളോടെയുമാണ് പുതിയ ലോഗോ രൂപകൽപന ചെയ്തിരിക്കുന്നത്.
രാജ്യവുമായി ബന്ധപ്പെട്ട മൂന്ന് നിറങ്ങങ്ങളാണ് പുതിയ ലോഗോയിലുള്ളത്. സൗദി പതാകയുടെ നിറമായ പച്ച, ഈന്തപ്പനയുടെ നിറം, രാജ്യത്തെ കടലിന്റെയും ആകാശത്തിന്റെയും നിറത്തെ പ്രതിനിധീകരിക്കുന്ന നീല നിറം, മണൽ നിറം എന്നിവ ഉൾപ്പെട്ടതാണ് പുതിയ ലോഗോ. കൂടാതെ, ക്യാബിൻ ക്രൂ വസ്ത്രങ്ങളിലും മാറ്റമുണ്ട്. സൗദി തനിമയോടെ രൂപകൽപ്പന ചെയ്തതാണ് പുതിയ യൂനിഫോം.
യാത്രക്കാർക്കുള്ള ആതിഥ്യ രീതിയിലും മാറ്റമുണ്ടാകും. സൗദി ഈത്തപ്പഴവും, സൗദി ഖാവയും യാത്രക്കാർക്ക് നൽകും. രാജ്യത്ത് ഉൽപാദിപ്പിക്കുന്ന വസ്തുക്കൾ കൊണ്ടുള്ള ഭക്ഷണമാണ് വിമാനത്തിൽ വിളമ്പുക. പരമ്പരാഗത സുഗന്ധദ്രവ്യങ്ങൾ പൂശിയ ടിഷ്യു പേപ്പറുകളും യാത്രക്കാർക്ക് നൽകും. സിനിമകൾ, ചാനലുകൾ, ഓഡിയോ പ്രോഗ്രാമുകൾ എന്നിവ പ്രാദേശിക സൗദി ഉള്ളടക്കമുള്ളതായിരിക്കും. വിമാനത്തിനുള്ളിലെ പശ്ചാത്തല സംഗീതവും അറേബ്യൻ സംഗീതോപകരണങ്ങളാൽ സൃഷ്ടിക്കുന്നതായിരിക്കും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
