November 18, 2023
November 18, 2023
കുവൈത്ത് സിറ്റി: കുവൈത്തില്‍ സര്‍ക്കാര്‍ മേഖലയിലും പൊതു മേഖലയിലും ജോലി ചെയ്യുന്ന പ്രവാസികള്‍ സ്വകാര്യ മേഖലയിലേക്ക് വിസ മാറ്റുന്നത് നിര്‍ത്തലാക്കുന്നതായി റിപ്പോര്‍ട്ട്. വിസ മാറ്റല്‍ സംബന്ധിച്ച് ആഭ്യന്തര മന്ത്രാലയം തീരുമാനം പുറപ്പെടുവിച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. സര്‍ക്കാര്‍ ജോലിയില്‍ നിന്ന് വിരിമിച്ചവര്‍ക്കും ജോലിയില്‍ നിന്ന് രാജിവെച്ചവര്‍ക്കും പിരിച്ചുവിട്ടവര്‍ക്കുമാണ് ആദ്യഘട്ടത്തില്‍ തീരുമാനം ബാധകമാവുകയെന്നാണ് റിപ്പോര്‍ട്ട്. ആര്‍ട്ടിക്കിള്‍ 17 റസിഡന്‍സി പെര്‍മിറ്റില്‍ നിന്നും ആര്‍ട്ടിക്കിള്‍ 18 ട്രാന്‍സ്ഫര്‍ ചെയ്യുന്നതിനാണ് വിലക്ക് ഏര്‍പ്പെടുത്തുക. നിയന്ത്രണം പ്രാബല്യത്തില്‍ വരുന്നതോടെ സര്‍ക്കാര്‍ പൊതുമേഖല സ്ഥാപനങ്ങളില്‍ നിന്ന് വിരമിക്കുന്നവര്‍ക്ക് രാജ്യത്ത് മറ്റു തൊഴിലുകള്‍ തിരഞ്ഞെടുക്കാനോ രാജ്യത്ത് തുടരാനോ കഴിയില്ല.
രാജ്യത്തെ സര്‍ക്കാര്‍-സ്വകാര്യ തൊഴില്‍ മേഖലയില്‍ സ്വദേശിവത്കരണം കൂടുതല്‍ കാര്യക്ഷമമാക്കുന്നതിന്റെ ഭാഗമായാണ് പുതിയ തീരുമാനം. കുവൈത്തിലെ സര്‍ക്കാര്‍ മേഖലയില്‍ ജോലി ചെയ്യുന്ന 23 ശതമാനം ജീവനക്കാരും പ്രവാസികളാണ്. ഗള്‍ഫ് മേഖലയിലെ തന്നെ ഏറ്റവും ഉയര്‍ന്ന നിരക്കാണിത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
