269 മില്യണിലധികം വാണിജ്യ ഇടപാടുകൾ, ഖത്തറിൽ 2024 മിലിപോൾ എക്സിബിഷൻ ഇന്ന് സമാപിക്കും
October 31, 2024
October 31, 2024
ന്യൂസ്‌റൂം ബ്യുറോ
ദോഹ: ഖത്തറിൽ പതിനഞ്ചാമത് മിലിപോൾ എക്സിബിഷൻ ഇന്ന് (വ്യാഴം) സമാപിക്കും. എക്സിബിഷന്റെ ഒന്നും രണ്ടും ദിവസങ്ങളിലായി 269,584,657 ഖത്തർ റിയാൽ വരുന്ന ഡീലാണ് നടത്തിയതെന്ന് മിലിപോൾ ഖത്തർ കമ്മിറ്റി ഇന്നലെ (ബുധനാഴ്ച) അറിയിച്ചു. അബ്ദുല്ല അബ്ദുൽഘാനി മോട്ടോഴ്‌സുമായി 95,732,008 റിയാൽ, സാലിഹ് അൽ ഹമദ് അൽ മന കമ്പനി 7,709,521 റിയാൽ, അൽസോമർ ട്രേഡിംഗ് കമ്പനി 2,003 115 റിയാൽ, ഫഹദ് ട്രേഡിംഗ് ആൻഡ് കോൺട്രാക്ടിംഗ് കമ്പനി 2,202,600 റിയാൽ എന്നീ കരാറുകൾ ഉൾപ്പെട്ടിട്ടുണ്ടെന്ന് മിലിപോൾ ഖത്തർ കമ്മിറ്റി അംഗം മേജർ ജനറൽ സൗദ് റാഷിദ് അൽ ഷാഫി പത്രസമ്മേളനത്തിൽ പറഞ്ഞു.
യൂണിവേഴ്‌സൽ ടെക്‌നിക്കൽ എൽഎൽസിയുമായി 41,978,327 റിയാൽ, ട്രാഫിക് ടെക് 2,964,348 റിയാൽ, ഇഷ്ഹർ സെക്യൂരിറ്റി സർവീസസ് 86,875,488 റിയാൽ, സൗദി കെമിക്കൽ കമ്പനി 8,786,250 റിയാൽ, ടർക്കിഷ് ആരെസ് 21,333,000 റിയാൽ എന്നീ കരാറുകളും ഇടപാടുകളിൽ ഉൾപ്പെടുന്നുണ്ട്.
