Breaking News
ഖത്തറിലെ പ്രമുഖ യൂണിഫോം നിർമ്മാണ, വ്യാപാര കമ്പനിയിലേക്ക് സെയിൽസ് എക്സിക്യൂട്ടീവുകളെ ആവശ്യമുണ്ട്; മലയാളികൾക്ക് അപേക്ഷിക്കാം | ഒമാനിലെ ഹൈ​മ-​തും​റൈ​ത്ത് റോ​ഡി​ൽ കു​ഴി; പൊതുജനങ്ങൾക്ക്​ ജാ​ഗ്ര​ത നി​ർ​ദേ​ശവുമായി ഒമാൻ പോലീസ് | ഒമാനിൽ സെപ്റ്റംബർ മുതൽ പ്ലാസ്റ്റിക് സഞ്ചികൾ ഇറക്കുമതി ചെയ്യുന്നതിന് നിരോധനമേർപ്പെടുത്തും | ഖത്തർ എയർവേയ്സ് 20 ബോയിങ് 777 വിമാനങ്ങൾക്ക് ഓർഡർ നൽകി | മൃഗങ്ങൾ പ്ലാസ്റ്റിക് ഭക്ഷിക്കുന്നു; ഖത്തറിൽ പ്ലാസ്റ്റിക് ഉപയോഗം കുറയ്ക്കാൻ നിർദേശവുമായി പരിസ്ഥിതി മന്ത്രാലയം | കൊയിലാണ്ടി സ്വദേശി കുവൈത്തിൽ നിര്യാതനായി | ഫലസ്തീനിൽ ചൈനയുടെ ഇടപെടൽ,ഗസയിൽ ദേശീയ സർക്കാരുണ്ടാക്കാൻ ധാരണ | കുവൈത്തിലെ ദോഹ ലിങ്ക് റോഡിൽ ടാങ്കർ മറിഞ്ഞു,ഡ്രൈവർക്ക് പരിക്ക് | ഐ.സി. ബി.എഫ് ഖത്തറിൽ തൊഴിലാളികൾക്കായി കാരംസ് ടൂർണ്ണമെൻ്റ് സംഘടിപ്പിച്ചു | ഗ്ലോബൽ കേരള പ്രവാസി അസോസിയേഷൻ പാട്ടുത്സവം സംഘടിപ്പിച്ചു |
ഗസയിലെ ഇസ്രായേൽ ബന്ദികളെ ഉടൻ മോചിപ്പിക്കണം; ജോ ബൈഡൻ ഖത്തർ അമീറുമായി ചർച്ച നടത്തി 

November 18, 2023

Malayalam_News_Qatar

November 18, 2023

ന്യൂസ്‌റൂം ബ്യുറോ

ദോഹ: ഗസയിലെ ബന്ദികളെക്കുറിച്ചും മാനുഷിക സഹായത്തെക്കുറിച്ചും യു.എസ് പ്രസിഡന്റ് ജോ ബൈഡനും ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയും ചർച്ച നടത്തിയതായി റിപ്പോർട്ട്. ഇസ്രയേലിൽ ഹമാസ് പിടികൂടിയ ബന്ദികളെ ഉടൻ മോചിപ്പിക്കണമെന്ന് ഖത്തർ അമീറുമായുള്ള ചർച്ചയ്ക്കിടെ ജോ ബൈഡൻ ആവശ്യപ്പെട്ടതായാണ് റിപ്പോർട്ട്. ഏഷ്യാ-പെസിഫിക് ഉച്ചകോടിക്കിടെ സാൻഫ്രാൻസിസ്കോയിൽ എത്തിയ അമീർ ഷെയ്ഖ് തമീം ബിൻ ഹമദ് അൽതാനിയുമായി നടത്തിയ ടെലിഫോൺ സംഭാഷണത്തിലാണ് ഹമാസ് ബന്ദികളാക്കിയ എല്ലാവരെയും കാലതാമസം കൂടാതെ മോചിപ്പിക്കേണ്ടതിന്റെ ആവശ്യകതയെക്കുറിച്ച് ബൈഡൻ പറഞ്ഞത്. 

ഗസയിലേക്ക് അടിയന്തിരമായി ആവശ്യമായ മാനുഷിക സഹായങ്ങൾ വർദ്ധിപ്പിക്കുന്നതിനുള്ള തുടർച്ചയായ ശ്രമങ്ങളും,  ജീവൻ രക്ഷാ സഹായത്തിനായി ഇന്ധന വിതരണം പുനരാരംഭിക്കാനുള്ള ഇസ്രായേലിന്റെ തീരുമാനവും ഇരുവരും ചർച്ച ചെയ്തതായി വൈറ്റ് ഹൗസ് പറഞ്ഞു. ഇരു രാജ്യങ്ങളും തമ്മിലുള്ള തന്ത്രപ്രധാനമായ ബന്ധങ്ങളും അവയെ ശക്തിപ്പെടുത്തുന്ന വഴികളും ഇരുവരും ചർച്ച ചെയ്തതായി ഖത്തർ അമീരി ദിവാനും വ്യക്തമാക്കി.

അതേസമയം, ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫയുമായി ഷെയ്ഖ് തമീം ഫോണിൽ സംസാരിച്ചിരുന്നതായും അമീരി ദിവാൻ അറിയിച്ചു. ഗസയിലെ സംഭവവികാസങ്ങളെക്കുറിച്ചും പൊതുതാൽപ്പര്യമുള്ള പ്രാദേശിക, അന്തർദേശീയ സംഭവവികാസങ്ങളെക്കുറിച്ചും ഇരു നേതാക്കളും ചർച്ച ചെയ്തു. ഖത്തർ പ്രധാനമന്ത്രിയും വിദേശകാര്യ മന്ത്രിയും ബഹ്‌റൈനിലെ കിരീടാവകാശിയും മറ്റ് ഉന്നത ഉദ്യോഗസ്ഥരുമായും കൂടിക്കാഴ്ച നടത്തിയ സാഹചര്യത്തിലാണ് ബഹ്‌റൈൻ രാജാവുമായുള്ള ചർച്ച നടന്നത്. ഗസയിലെ യുദ്ധം ഉടൻ നിർത്തി സാധാരണക്കാരെ സംരക്ഷിക്കേണ്ടതിന്റെ ആവശ്യകത ഇരുപക്ഷവും ഊന്നിപ്പറഞ്ഞതായി ഖത്തർ വിദേശകാര്യ മന്ത്രാലയം പറഞ്ഞു.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News