September 06, 2023
September 06, 2023
കോഴിക്കോട് : പ്രവാസികൾ നേരിടുന്ന വിവിധ വിഷയങ്ങളിൽ പരാതി നൽകാനും നേരിട്ട് സംവദിക്കാനും പ്രവാസി കമ്മീഷൻ അദാലത്ത് സംഘടിപ്പിക്കുന്നു. സെപ്തംബർ 12 ചൊവ്വാഴ്ച രാവിലെ 10.30 മുതൽ കോഴിക്കോട് ഗവ. ഗസ്റ്റ് ഹൗസിലുംസെപ്തംബർ 14 വ്യാഴാഴ്ച്ച വയനാട് കൽപറ്റ ജില്ലാ കലക്ടറ്റേറ്റ് കോൺഫറൻസ് ഹാളിലുമാണ് പ്രവാസി അദാലത്തുകൾ നടക്കുക.
വിശദമായ അപേക്ഷയോടൊപ്പം പാസ്പോർട്ട് കോപ്പി, എതിർ കക്ഷിയുടെ പേരും മേൽ വിലാസവും, ആവശ്യമായ മറ്റ് രേഖകൾ എന്നിവ സമർപ്പിക്കണം. മുൻകൂട്ടി പരാതി നൽകുന്നവർക്ക് മുൻഗണന ലഭിക്കും. പരാതികൾ നേരിട്ടും secycomsn.nri@kerala.gov.in എന്ന ഇമെയിലിലോ,ചെയർ പേഴ്സൺ, പ്രവാസി ഭാരതീയർ(കേരളീയർ ) കമ്മീഷൻ, നോർക്കാ സെന്റർ, ആറാം നില, തൈക്കാട് പി.ഒ. തിരുവനന്തപുരം - 14 എന്ന വിലാസത്തിലോ അയക്കാം.
അർദ്ധ ജുഡീഷ്യൽ അധികാരമുള്ള കമ്മീഷൻ ചെയർമാൻ ജസ്റ്റിസ് പി.ഡി. രാജൻ, അംഗങ്ങളായ പി.എം. ജാബിർ, പീറ്റർ മാത്യു, അഡ്വ. ഗഫൂർ പി. ലില്ലീസ്, സെക്രട്ടറി, മറ്റ് ഉദ്യോഗസ്ഥർ തുടങ്ങിയവർ പങ്കെടുക്കും.പരിപാടിയുടെ ഭാഗമായി പ്രവാസി സംഘടനാ പ്രതിനിധികളുമായും ചർച്ച നടത്തും.
കേരളത്തിലെ മുഴുവൻ ജില്ലകളിലും സമയ ബന്ധിതമായി അദാലത്തുകൾ നടക്കുന്നുണ്ട്. ഇതിനകം നടന്ന അദാലത്തുകളിൽ ഖത്തറിൽ നിന്നടക്കമുള്ള പ്രവാസികളുടെ വിവിധ പരാതികളിൽ കമ്മീഷൻ ഇടപെടലുകൾ നടത്തിവരികയാണ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
