July 31, 2023
July 31, 2023
ന്യൂസ് ബ്യൂറോ
ദോഹ ::സൂഖ് വാഖിഫിൽ നടക്കുന്ന പ്രാദേശിക ലോക്കൽ ഈത്തപ്പഴ മേളയുടെ ആദ്യ മൂന്ന് ദിവസങ്ങളിൽ 65,000 കിലോഗ്രാം ഈത്തപ്പഴം വിറ്റതായി സംഘാടകർ അറിയിച്ചു.
14 വ്യത്യസ്ത ഇനം ഈത്തപ്പഴങ്ങളുടെ പ്രദർശനത്തിൽ ഖല്ലാസ് ഇനത്തിനാണ് കൂടുതൽ ആവശ്യക്കാരുള്ളത്.ഖല്ലാസ് ഇനം മാത്രം 25,541 കിലോ വിറ്റഴിഞ്ഞതായാണ് റിപ്പോർട്ട്.. ഈത്തപ്പഴത്തിന്റെ മറ്റു ഇനങ്ങളായ ഷിഷി 14,184 കിലോഗ്രാമും, ഖെനൈസി 13,641 കിലോഗ്രാമും, ബർഹി 4,820 കിലോഗ്രാമും, മറ്റ് ഈത്തപ്പഴം ഇനങ്ങൾ മൊത്തം 4,820 കിലോഗ്രാമായും വിറ്റു തീർന്നതായി സംഘാടകർ അറിയിച്ചു.
ഈത്തപ്പഴങ്ങൾ കൂടാതെ വിവിധതരം പഴങ്ങളും സന്ദർശകർക്കായി ഫെസ്റ്റിവലിലുണ്ട്.കഴിഞ്ഞ വാരാന്ത്യത്തിൽ പ്രതീക്ഷിച്ചതിലും അധികം സന്ദർശകർ എത്തിയതായാണ് റിപ്പോർട്ട്.
കിലോയ്ക്ക് 6 റിയാൽ മുതലാണ് ഈത്തപ്പഴത്തിന്റെ വില ആരംഭിക്കുന്നത്. 103-ലധികം ഫാമുകളാണ് ഈ വർഷത്തെ ഈത്തപ്പഴ മേളയിൽ പങ്കെടുക്കുന്നത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
