January 20, 2024
January 20, 2024
റിയാദ്: സൗദിയിൽ ആരോഗ്യ മേഖലയിലെ ജീവനക്കാർക്ക് പുതിയ ഡ്രസ്സ് കോഡ് പുറത്തിറക്കിയതായി ആരോഗ്യ വകുപ്പ് അറിയിച്ചു. തൊഴിലിടങ്ങളിൽ വ്യക്തി ശുചിത്വം നിലനിർത്തുന്നതിന്റെയും സാമൂഹിക മര്യാദകൾ പാലിക്കുന്നതിന്റെയും ഭാഗമായാണ് തീരുമാനം. സ്ത്രീകൾക്കും പുരുഷന്മാർക്കും വ്യത്യസ്ത നിർദേശങ്ങളാണ് മന്ത്രാലയം പുറത്തിറക്കിയത്.
ആരോഗ്യ മേഖലയിലെ ജീവനക്കാർ തൊഴിലിടങ്ങളിൽ മാന്യവും പൊതുസമൂഹത്തിന് ചേർന്നതുമായ വസ്ത്രം ധരിക്കണമെന്നാണ് പുതിയ നിർദേശം. പുരുഷന്മാർ പൈജാമയും ഷോർട്‌സും ധരിക്കാൻ പാടില്ല. കൂടാതെ അശ്ലീല ചിത്രങ്ങളോ പദപ്രയോഗങ്ങളോ പതിപ്പിച്ച വസ്ത്രങ്ങളും ധരിക്കരുത്. പുരുഷന്മാർക്ക് വിചിത്രമായ രീതിയിൽ ഹെയർസ്റ്റൈൽ ഒരുക്കുന്നതിനും വിലക്കുണ്ട്.
സ്ത്രീകൾക്ക് ശിരോവസ്ത്രം ധരിക്കാനും നിർദേശമുണ്ട്. ഇറുകിയതോ തുറന്നതോ ചെറുതോ ആയ വസ്ത്രങ്ങൾ, ചങ്ങലകളോ മുദ്രാവാക്യങ്ങളോ ഉള്ള വസ്ത്രങ്ങൾ, അമിതമായ മേക്കപ്പ്, കൃതിമമായ നഖങ്ങൾ, പെർഫ്യൂമുകൾ എന്നിവ ധരിക്കരുത്. കൂടാതെ, കോട്ടിന് വീതിയും കാൽമുട്ട് വരെ നീളവും ഉണ്ടായിരിക്കണം.
ഇടവേളകളിലും ജോലിസമയത്തിന് പുറത്തുള്ള സമയങ്ങളിലും പൊതുസ്ഥലങ്ങളിലും ഔദ്യോഗിക വസ്ത്രങ്ങൾ ധരിക്കുന്നത് നിരോധിച്ചിട്ടുണ്ടെന്നും,ജോലിസമയത്തിലുടനീളം ഔദ്യോഗിക വസ്ത്രങ്ങൾ ധരിക്കണമെന്നും മന്ത്രാലയം വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
