November 06, 2023
November 06, 2023
ദോഹ: രാജ്യത്തെ ബീച്ചുകളില്‍ ശൈത്യകാലം ആസ്വദിക്കാനെത്തുന്നവര്‍ ശുചിത്വം പാലിച്ചില്ലെങ്കില്‍ കനത്ത പിഴ നല്‍കേണ്ടിവരും. മാലിന്യങ്ങള്‍ വലിച്ചെറിയുന്നവര്‍ക്കും പിടിവീഴും. പൊതുശുചിത്വം പാലിച്ചില്ലെങ്കില്‍ പതിനായിരം റിയാല്‍ വരെയാണ് പിഴ ഈടാക്കുക. മാലിന്യങ്ങള്‍ നിക്ഷേപിക്കുന്നതിന് എല്ലാ ബീച്ചുകളിലും കണ്ടെയ്‌നറുകളും സ്ഥാപിച്ചിട്ടുണ്ട്. ബാര്‍ബിക്യു ഉപയോഗിക്കുന്നവര്‍ കരി കത്തിക്കുന്നതിന് ഗ്രില്‍ ഉപയോഗിക്കണം. മിച്ചം വരുന്ന കരിമണല്‍ കൃത്യമായി മാലിന്യങ്ങള്‍ നിക്ഷേപിക്കാനുള്ള കണ്ടെയ്‌നറുകളില്‍ ഇടണം. ശുചിത്വം ഉറപ്പാക്കാന്‍ എല്ലാ ബീച്ചുകളിലും സുരക്ഷാ ജീവനക്കാരേയും നിയോഗിച്ചിട്ടുണ്ട്.
അതേസമയം സന്ദര്‍ശകര്‍ക്കായി ബീച്ചുകളില്‍ നഗരസഭാ മന്ത്രാലയത്തിന്റെ നേതൃത്വത്തില്‍ ഒരുക്കങ്ങള്‍ എല്ലാം പൂര്‍ത്തിയാക്കി. എല്ലാ ബീച്ചുകളിലും സന്ദര്‍ശകര്‍ക്കുള്ള അടിസ്ഥാന സൗകര്യങ്ങളെല്ലാം സജ്ജീകരിച്ചിട്ടുണ്ട്. ഫാമിലി, പബ്ലിക് ബീച്ചുകളില്‍ ബാര്‍ബിക്യു ഉള്‍പ്പെടെയുള്ള സംവിധാനങ്ങളും സജ്ജമാക്കിയിട്ടുണ്ട്. കളിസ്ഥലം, വ്യായാമത്തിനുള്ള സൗകര്യങ്ങള്‍, ഇരിപ്പിടങ്ങള്‍, ശുചിമുറികള്‍ എന്നിവയും ബീച്ചുകളില്‍ തയ്യാറാക്കിയാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
