September 09, 2023
September 09, 2023
കുവൈത്ത് സിറ്റി: കുവൈത്തിൽ കോടതിയുടെ പിഴ അടക്കാന്‍ ബാക്കിയുള്ള പ്രവാസികള്‍ക്ക് യാത്ര നിയന്ത്രണവുമായി ആഭ്യന്തര മന്ത്രാലയം. പിഴ അടക്കാൻ ബാക്കിയുള്ള പ്രവാസികള്‍ യാത്രയ്ക്ക് മുമ്പായി പിഴ അടച്ചില്ലെങ്കില്‍ യാത്ര തടസ്സപ്പെടുമെന്നും അധികൃതര്‍ വ്യക്തമാക്കി.
കഴിഞ്ഞ ദിവസങ്ങളില്‍ ടെലിഫോൺ, വെള്ളം , വൈദ്യുതി, തുടങ്ങിയ ബില്ലുകളുടെ കുടിശ്ശിക ബാക്കിയുള്ളവര്‍ക്കും, ഗതാഗത പിഴ ഉള്ളവര്‍ക്കും ആഭ്യന്തര മന്ത്രാലയം യാത്ര നിയന്ത്രണങ്ങള്‍ ഏര്‍പ്പെടുത്തിയിരുന്നു. വിദേശികളില്‍ നിന്നും പിഴയടക്കമുള്ള കുടിശികകൾ പിരിച്ചെടുക്കണമെന്ന സര്‍ക്കാര്‍ തീരുമാനത്തിന്റെ ഭാഗമായാണ് പുതിയ നീക്കം. വിവിധ മന്ത്രാലയങ്ങളിലെ കുടിശ്ശികയോ പിഴയോ ബാക്കിയുള്ളവര്‍ക്ക് വിമാനത്താവളത്തിലോ മന്ത്രാലയങ്ങളിലെ പ്രാദേശിക ഓഫീസുകളിലോ സഹേല്‍ ആപ്പിലോ പേമെന്റ് ചെയ്യുവാനുള്ള സൗകര്യമുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
