Breaking News
ഖത്തറിലെ ഇന്‍ഡസ്ട്രിയല്‍ ഏരിയയില്‍ അഞ്ച് കിലോമിറ്റര്‍ നീളമുള്ള 'സ്ട്രീറ്റ് 33' ഉദ്ഘാടനം ചെയ്തു | ഫുജൈറയിൽ മലയാളി യുവതി കെട്ടിടത്തിൽ നിന്ന് വീണ് മരിച്ചു  | ഖത്തറില്‍ ശക്തമായ കാറ്റിനം കടല്‍ക്ഷോഭത്തിനും സാധ്യത | കുവൈത്തിൽ ട്രാഫിക് ഫൈനുകൾ വർധിപ്പിക്കുന്നു | യുഎഇയിലെ അല്‍ ഇത്തിഹാദ്, അല്‍ വഹ്ദ റോഡുകളിലെ വേഗപരിധി കുറച്ചു | ദോഹയിൽ നിന്നുള്ള യാത്രക്കാർ കോഴിക്കോട്ടെത്തിയത് 22 മണിക്കൂറിന് ശേഷം,യാത്രക്കാർക്ക് തീരാദുരിതം നൽകി എയർഇന്ത്യ എക്സ്പ്രസ്സ്  | കാ​സ​ർ​കോ​ട്​ സ്വ​ദേ​ശി ദുബാ​യി​ൽ നി​ര്യാ​ത​നാ​യി | അമീർ കപ്പ്: ട്രോഫിയിൽ മുത്തമിട്ട് അൽ സദ്ദ് എസ്.സി | വെളിച്ചം ഖുർആൻ സംഗമം ഇന്ന് ഖത്തർ QNCC യിൽ | ഖത്തർ ആസ്ഥാനമായുള്ള ഇന്ത്യൻ ഫാഷൻ ഡിസൈനർക്ക് റഷ്യയിൽ പുരസ്കാരം |
സൗദിയില്‍ വാണിജ്യ തട്ടിപ്പില്‍ സ്വദേശിക്കും സിറിയന്‍ പൗരനും തടവും പിഴയും

May 06, 2024

news_malayalam_expat_and_citizen_arrested_in_saudi_arabia

May 06, 2024

ന്യൂസ്‌റൂം ബ്യൂറോ

റിയാദ്: സൗദി അറേബ്യയില്‍ ഒരു സൗദി പൗരനും സിറിയന്‍ സ്വദേശിക്കും 30 മാസം തടവും 1,00,000 റിയാല്‍ പിഴയും വിധിച്ചു. വാണിജ്യത്തട്ടിപ്പില്‍ റിയാദ് ക്രിമിനല്‍ കോടതിയാണ് ശിക്ഷ വിധിച്ചത്.സ്വദേശി പൗരന് ആറ് മാസം തടവും സിറിയന്‍ പൗരന് രണ്ട് വര്‍ഷത്തെ തടവുമാണ് ശിക്ഷ വിധിച്ചതെന്ന് സൗദി പ്രസ് ഏജന്‍സിക്ക് നല്‍കിയ പ്രസ്താവനയില്‍ വാണിജ്യ മന്ത്രാലയം അറിയിച്ചു.

വാണിജ്യ രജിസ്റ്ററും ലൈസന്‍സും റദ്ദാക്കിയതിന് പുറമെ, കുറ്റം മറച്ചുവെച്ചതില്‍ നിന്ന് ലഭിച്ച വരുമാനം കണ്ടുകെട്ടാനും കോടതി വിധിച്ചു. ജയില്‍ ശിക്ഷയ്ക്ക് ശേഷം സിറിയന്‍ പൗരനെ നാടുകടത്തും. അഞ്ച് വര്‍ഷത്തേക്ക് വാണിജ്യ പ്രവര്‍ത്തനങ്ങളില്‍ നിന്ന് സ്വദേശി പൗരനെ വിലക്കിയിട്ടുണ്ട്. ശിക്ഷാവിധി പ്രാദേശിക പത്രങ്ങളില്‍ സ്വന്തം ചെലവില്‍ പ്രസിദ്ധീകരിക്കുന്നതിനൊപ്പം സകാത്തും ഫീസും നികുതിയും പ്രതികളില്‍ നിന്ന് ചുമത്തും.

റിയാദ് നഗരത്തിലെ കരാര്‍ മേഖലയില്‍ 2 മില്യണ്‍ റിയാല്‍ വിപണി മൂല്യമുള്ള കവര്‍ അപ്പ് ബിസിനസില്‍ ഏര്‍പ്പെടാന്‍ സൗദി പൗരന്‍ സിറിയന്‍ പൗരന് അനുമതി നല്‍കിയതായി അന്വേഷണത്തില്‍ കണ്ടെത്തിയതായാണ് റിപ്പോര്‍ട്ട്. സൗദി പൗരന്‍ തന്റെ ഉടമസ്ഥതയിലുള്ള ഒരു കരാര്‍ സ്ഥാപനം വഴി കരാര്‍ പ്രവര്‍ത്തനങ്ങള്‍ പരിശീലിക്കാന്‍ പ്രവാസിയെ പ്രാപ്തമാക്കിയതായും അന്വേഷണത്തില്‍ തെളിഞ്ഞു.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News