March 03, 2024
March 03, 2024
കുവൈത്ത് സിറ്റി: കുവൈത്തിൽ അനധികൃത ഒത്തുചേരലുകള്‍ക്കും മാർച്ചുകള്‍ക്കും കര്‍ശന നിയന്ത്രണമേര്‍പ്പെടുത്തി ആഭ്യന്തര മന്ത്രാലയം. സ്ഥാപിത നിയമങ്ങൾക്കും ചട്ടങ്ങൾക്കും അനുസൃതമല്ലാതെയുള്ള ഒത്തുചേരലുകളും മാർച്ചുകളും നടത്തുന്നത് നിരോധിച്ചതായി ആഭ്യന്തര മന്ത്രാലയം വ്യക്തമാക്കി.
ഉപപ്രധാനമന്ത്രിയും പ്രതിരോധ മന്ത്രിയും, ആക്ടിങ് ആഭ്യന്തര മന്ത്രിയുമായ ശൈഖ് ഫഹദ് അൽ യൂസഫ് അസ്സബാഹിന്റെ നിര്‍ദേശത്തെ തുടര്‍ന്നാണ്‌ നടപടി. ബന്ധപ്പെട്ട അധികാരികളിൽ നിന്ന് അനുമതി നേടാതെ ഒത്തുചേരലുകളോ മാർച്ചുകളോ നടത്തുന്നത് നിയമ ലംഘനമായി കണക്കാക്കുകയും നിയമനടപടികൾ നേരിടേണ്ടി വരുമെന്നും അധികൃതർ വ്യക്തമാക്കി. ഇത്തരത്തിലുള്ള പരിപാടികളുടെ പരസ്യങ്ങൾ സമൂഹ മാധ്യമങ്ങൾ വഴി പ്രചരിപ്പിക്കുന്നതും കുറ്റകരമാണ്.
ഒത്തുചേരലുകൾ, മാർച്ചുകൾ എന്നിവ നടത്തുന്നതിന് വ്യവസ്ഥകളും നിയമങ്ങളും പാലിക്കണമെന്നും ആഭ്യന്തര മന്ത്രാലയത്തിലെ സെക്യൂരിറ്റി റിലേഷൻസ് ആൻഡ് മീഡിയ ജനറൽ അഡ്മിനിസ്ട്രേഷൻ മുന്നറിയിപ്പ് നൽകി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
