September 30, 2023
September 30, 2023
ദുബായ്: ദുബായിൽ നിന്ന് തിരുവനന്തപുരത്തേക്ക് പുറപ്പെടേണ്ട എയർ ഇന്ത്യ എക്‌സ്പ്രസ് വിമാനം നാളെ രാവിലെ പുറപ്പെടുമെന്ന് റിപ്പോർട്ട്. ഇന്ന് (ശനിയാഴ്ച്ച) പുറപ്പെടേണ്ടിയിരുന്ന വിമാനം എയർ ഇന്ത്യ വിമാനം മുന്നറിയിപ്പില്ലാതെ റദ്ദാക്കുകയായിരുന്നു. സ്ത്രീകളും കുട്ടികളും ഉൾപ്പെടെ ഇരുന്നൂറോളം യാത്രക്കാരാണ് ദുബായ് വിമാനത്താവളത്തിൽ യാത്ര മുടങ്ങി കാത്തിരിയ്ക്കുന്നത്.
ചെക്ക് ഇൻ തുടങ്ങാത്തതിനെ തുടർന്ന് അധികൃതരോട് അന്വേഷിച്ചപ്പോഴാണ് വിമാനം റദ്ദാക്കിയ വിവരം യാത്രക്കാർ അറിയുന്നത്. ബന്ധുക്കൾ മരിച്ചതിനെ തുടർന്ന് നാട്ടിലേക്ക് പോകുന്നവർ തുടങ്ങി അടിയന്തരമായി നാട്ടിലെത്തേണ്ട നിരവധി യാത്രക്കാരാണ് വിമാനത്താവളത്തിൽ കുടുങ്ങിക്കിടക്കുന്നത്.
അതേസമയം, വിമാനം റദ്ദാക്കിയതിനുള്ള വ്യക്തമായ കാരണം അധികൃതർ നൽകിയിട്ടില്ല. സാങ്കേതിക തകരാറാണെന്നാണ് അറിയിച്ചത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
