November 01, 2023
November 01, 2023
ദോഹ: ഏഷ്യന്‍ ഫുട്‌ബോള്‍ കോണ്‍ഫെഡറേഷന്റെ 2022ലെ വാർഷിക പുരസ്കാര ചടങ്ങിൽ തിളങ്ങി ഇന്ത്യയും. ഗ്രാസ് റൂട്ട് തലത്തിലെ ഫുട്ബാൾ വികസനത്തിനുള്ള എ.എഫ്.സി പ്രസിഡന്റ് പുരസ്കാരത്തിൽ വെങ്കലം ഇന്ത്യ സ്വന്തമാക്കി. 18 അവാർഡുകളിൽ ഒരിനത്തിൽ മാത്രമാണ് ഇന്ത്യക്ക് നാമനിർദേശം ലഭിച്ചത്.
ഇന്ത്യൻ ഫുട്ബാൾ ഫെഡറേഷൻ പ്രസിഡന്റ് കല്യാൺ ചൗബേ പുരസ്കാരം ഏറ്റുവാങ്ങി. സിൽവർ മെഡൽ ഗുവാമും സ്വർണ മെഡൽ ഓസ്ട്രേലിയയും നേടി. വെങ്കല വിഭാഗത്തിൽ ബ്രൂണെ, ഇറാൻ, സിറിയ അസോസിയേഷനുകളാണ് ഇന്ത്യയുമായി മത്സരിച്ചത്.
അതേസമയം, ഏഷ്യന്‍ ഫുട്‌ബോള്‍ കോണ്‍ഫെഡറേഷന്റെ (എഎഫ്‌സി)2022ലെ മികച്ച കളിക്കാരനെയും പ്രഖ്യാപിച്ചു. സൗദി അറേബ്യയുടെ സാലിം അൽ ദൗസരിക്കാണ് ഏറ്റവും മികച്ച താരത്തിനുള്ള പുരസ്കാരം. ഏറ്റവും മികച്ച വനിത താരത്തിനുള്ള പുരസ്കാരം ഓസ്‌ട്രേലിയയുടെ സാമന്ത ഖേർ സ്വന്തമാക്കി. ഓസ്‌ട്രേലിയയുടെ ഏറ്റവും ഉയർന്ന ഗോൾസ്കോറർ എന്ന വിഭാഗത്തിലാണ് സാമന്ത അംഗീകാരം നേടിയത്. മികച്ച കോച്ചിനുള്ള പുരസ്കാരം ജപ്പാന്റെ ഹജിമെ മൊരിയാസു സ്വന്തമാക്കി. മികച്ച വനിതാ കോച്ചായി ചൈനയുടെ ഷുയി ക്വിൻസിയെ തെരഞ്ഞെടുത്തു. ചൈനയെ ആദ്യമായി ഏഷ്യൻ വനിതാ കിരീട നേട്ടത്തിലേക്ക് നയിച്ചതിനുള്ള അംഗീകാരമാണ് ഷുയി നേടിയത്.
ദോഹയിലെ ഖത്തര്‍ ഇന്റര്‍ നാഷണല്‍ കണ്‍വെന്‍ഷന്‍ സെന്ററില്‍ നടന്ന 27-മത് വാര്‍ഷിക പുരസ്കാര ചടങ്ങിലാണ് വിജയികളെ പ്രഖ്യാപിച്ചത്. ഇത് ആദ്യമായാണ് എഎഫ്‌സി വാര്‍ഷിക പുരസ്‌കാരത്തിന് ദോഹ വേദിയാകുന്നത്. നാല് വര്‍ഷത്തിന് ശേഷമാണ് എഎഫ്‌സി വാര്‍ഷിക പുരസ്കാര ചടങ്ങ് നടക്കുന്നത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
