January 14, 2024
January 14, 2024
ദോഹ: എ.എഫ്.സി ഏഷ്യൻ കപ്പ് മത്സരത്തിൽ ചൈനയും തജികിസ്താനും ഗോൾരഹിത സമനില നിലനിർത്തി. അബ്ദുല്ല ബിൻ ഖലീഫ സ്റ്റേഡിയത്തിൽ ഇന്നലെ വൈകുന്നേരം 5:30ന് (ശനിയാഴ്ച) നടന്ന ഗ്രൂപ്പ് ‘ബി’ മത്സരത്തിലാണ് ഇരുടീമുകളും സമനില ഉറപ്പിച്ചത്. ആദ്യ പകുതിയിൽ ഇരുടീമുകളും ഗോൾരഹിത സമനിലയിൽ പിരിഞ്ഞു. എന്നാൽ 82-ാം മിനിറ്റിൽ ചൈന ഗോൾ അടിച്ചെങ്കിലും VAR അവലോകനത്തിന് (വീഡിയോ അസിസ്റ്റന്റ് റഫറി) ശേഷം ഗോൾ പിൻവലിച്ചു. ഇതോടെ 99 മിനിറ്റിൽ (90+9) ഇരു രാജ്യങ്ങളും ഗോളൊന്നും നേടാതെ (0-0) മത്സരം അവസാനിച്ചു. എ.എഫ്.സി ടൂർണമെന്റിലെ തജിക്കിസ്ഥാന്റെ ആദ്യ മത്സരമായിരുന്നു ഇത്.
അതേസമയം, ഉസ്ബെക്കിസ്ഥാനും സിറിയയും തമ്മിലുള്ള മത്സരവും ഗോൾരഹിത സമനിലയിൽ അവസാനിച്ചു. ജാസിം ബിൻ ഹമദ് സ്റ്റേഡിയത്തിൽ (അൽ-സദ്ദ് സ്റ്റേഡിയം) ഇന്നലെ രാത്രി 8:30നായിരുന്നു മത്സരം. 90 മിനിറ്റ് നീണ്ട മത്സരത്തിന് പുറമെ 5 മിനിറ്റ് അധിക സമയവും നൽകിയ മത്സരത്തിൽ ടീമുകൾക്ക് ഗോളുകൾ നേടാനായിരുന്നില്ല.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
