October 15, 2023
October 15, 2023
ജിദ്ദ: ഉംറ നിർവഹിച്ച് നാട്ടിലേക്ക് മടങ്ങാനിരുന്ന മലപ്പുറം സ്വദേശികൾ ജിദ്ദയിൽ മരണപെട്ടു. മലപ്പുറം കണ്ണത്തുപാറ പെരുവൻ കുഴിയിൽ കുഞ്ഞായിഷ (53), കണ്ണമംഗലം മേമാട്ടുപാറ ഖദീജ കെ.കെ (34) എന്നിവരാണ് മരിച്ചത്. ഹൃദയാഘതമാണ് മരണ കാരണം.
ഉംറ നിർവ്വഹിച്ചതിന് ശേഷം നാട്ടിലേക്കു മടങ്ങാനുള്ള തയ്യാറെടുപ്പിനിടയിൽ ജിദ്ദയിലെ ജാമിയ ആശുപത്രിയിൽ വെച്ചാണ് കുഞ്ഞായിഷ മരിച്ചത്. മാതൃ സഹോദരിയും മറ്റു കുടുംബാംഗങ്ങളും ജിദ്ദയിലുണ്ട്. പിതാവ്: പരേതനായ ഉണ്ണീൻ (തമിഴ്‌നാട് പോലീസ്), മാതാവ്: പരേതയായ പാറമ്മൽ ഇത്തീരുമ്മ. സഹോദരൻ: പി.കെ. മുഹമ്മദ് ഹനീഫ (കുഞ്ഞാപ്പു).
അതേസമയം, നാട്ടിലേക്ക് മടങ്ങാൻ ജിദ്ദ എയർപോർട്ടിലേക്ക് പോകുന്നതിനിടെ ബസിൽ വെച്ച് ഖദീജയ്ക്ക് ഹൃദയാഘാതം സംഭവിക്കുകയായിരുന്നു. ഭർത്താവ്: പുള്ളാട്ട് മുജീബ്, മകൻ: ഹാഫിള് റിസ്വാൻ.
നിയമ നടപടികൾക്ക് ശേഷം രണ്ടുപേരുടെയും മൃതദേഹം സൗദിയിൽ തന്നെ ഖബറടക്കും.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
