July 21, 2023
July 21, 2023
ന്യൂസ്‌റൂം ബ്യുറോ
ദോഹ:പഴയ ഇന്ത്യൻ അംബാസഡർ സ്ഥാനമൊഴിഞ്ഞു മാസങ്ങൾ കഴിഞ്ഞിട്ടും ഖത്തറിൽ പുതിയ അംബാസിഡർ സ്ഥാനമേറ്റില്ലെന്ന പരാതിക്ക് ഉടൻ പരിഹാരമാകും.പുതിയ അംബാസിഡറായി കേന്ദ്ര വിദേശകാര്യ മന്ത്രാലയത്തിലെ ഗൾഫ് ഡിവിഷൻ ജോയിന്റ് സെക്രട്ടറി വിപുൽ ഐ.എഫ്.എസ് സ്ഥാനമേൽക്കുമെന്ന് അറിയിപ്പുണ്ടായെങ്കിലും ഇതുവരെ ഖത്തറിലെത്തി ചുമതലയേറ്റിരുന്നില്ല.എന്നാൽ വെള്ളിയാഴ്ച ഡൽഹിയിൽ നടന്ന ചടങ്ങിൽ പുതിയ ഇന്ത്യൻ അംബാസഡറായി നിയമിതനായികൊണ്ടുള്ള അധികാരപത്രം രാഷ്ട്രപതി ദ്രൗപതി മുര്‍മുവില്‍ നിന്നും ഏറ്റുവാങ്ങിയതായി വിപുല്‍ ട്വിറ്ററിലൂടെ അറിയിച്ചു.
കാലാവധി പൂര്‍ത്തിയായതിനു പിന്നാലെ മാര്‍ച്ചില്‍ നാട്ടിലേക്ക് മടങ്ങിയ മുൻ അംബാസഡര്‍ ഡോ. ദീപക് മിത്തലിന്റെ പിൻഗാമിയായാണ് ഗള്‍ഫ് ഡിവിഷൻ ജോയിന്റ് സെക്രട്ടറി ചുമതല വഹിച്ചിരുന്ന വിപുല്‍ ഖത്തറിലെ അംബാസഡറായി നിയമിതനായത്. വരും ദിവസം അദ്ദേഹം ദോഹയിലെത്തി ചുമതലയേല്‍ക്കും.
മാര്‍ച്ച്‌ അവസാനത്തോടെ ദീപക് മിത്തല്‍ നാട്ടിലേക്ക് മടങ്ങിയതിനു പിന്നാലെ ജൂണില്‍ തന്നെ വിപുലിനെ ഖത്തറിലെ പുതിയ ഇന്ത്യൻ അംബാസഡറായി നിയമിച്ച്‌ വിദേശകാര്യ മന്ത്രാലയം ഉത്തരവിറങ്ങിയിരുന്നു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH
