October 26, 2022
October 26, 2022
ന്യൂസ്‌റൂം ബ്യുറോ
ദോഹ : വിദേശരാജ്യങ്ങളിൽ നിന്നും ഖത്തറിലേക്ക് വരുന്നതിന് കോവിഡ് രഹിത പി.സി.ആർ പരിശോധനാ ഫലം നിർബന്ധമാക്കിക്കൊണ്ടുള്ള നിർദേശം റദ്ദാക്കിയതായി ഖത്തർ പൊതുജനാരോഗ്യമന്ത്രാലയം അറിയിച്ചു.
ഖത്തറിലെ പൗരന്മാരും താമസക്കാരും ഖത്തറിലെത്തി 24 മണിക്കൂറിനുള്ളിൽ റാപ്പിഡ് ആന്റിജൻ ടെസ്റ്റോ പിസിആർ പരിശോധനയോ നടത്തിയിരിക്കണമെന്ന നിബന്ധനയും ഒഴിവാക്കിയിട്ടുണ്ട്.
ഖത്തറിൽ ഉൾപെടെ ലോകമെമ്പാടും കൊവിഡ് കേസുകളുടെ എണ്ണം ഗണ്യമായി കുറഞ്ഞതും ഖത്തറിന്റെ ദേശീയ കൊവിഡ്-19 വാക്സിനേഷൻ പരിപാടി നല്ലരീതിയിൽ പുരോഗമിക്കുകയും ചെയ്യുന്ന സാഹചര്യത്തിലാണ് തീരുമാനം.നവംബർ 1 ചൊവ്വാഴ്ച മുതൽ പ്രാബല്യത്തിൽ വരും.
അതേസമയം,രാജ്യത്തെ ആരോഗ്യകേന്ദ്രങ്ങൾക്ക് അകത്ത് പ്രവേശിക്കുമ്പോൾ ഇഹ്തിറാസ് ആപ്പിൽ പച്ച സ്റ്റാറ്റസ് നിര്ബന്ധമായിരിക്കും.എന്നാൽ മറ്റെവിടെയും ഈ നിബന്ധന ഉണ്ടാവില്ല.അണുബാധയുടെ സാധ്യത കുറയ്ക്കുന്നതിന് എല്ലാ പൗരന്മാരും താമസക്കാരും സന്ദർശകരും സാധാരണ മുൻകരുതൽ നടപടികൾ തുടരേണ്ടതിന്റെ ആവശ്യകതയും മന്ത്രാലയം ഊന്നിപ്പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.
