May 30, 2020
May 30, 2020
കുവൈത്ത് സിറ്റി : ഏകമകൻ നാട്ടിൽ ബൈക്കപകടത്തിൽ മരണപ്പെട്ട വിവരമറിഞ്ഞു കുവൈത്തിൽ നെഞ്ചുപൊട്ടിക്കഴിയുന്ന അമ്മ നാട്ടിലേക്ക് മടങ്ങാൻ എംബസിയുടെയും സുമനസുകളുടെയും സഹായം തേടുന്നു. ആലപ്പുഴ ജില്ലയിലെ പൊള്ളത്തായി എസ്.എൽ പുരം സ്വദേശിനി റീത്താമ്മ എന്ന രേഖയുടെ മകൻ രാജേഷാണ് കഴിഞ്ഞ ദിവസം നാട്ടിൽ ബൈക്കപകടത്തിൽ മരിച്ചത്.ഇവരുടെ ഭർത്താവ് നേരത്തെ മരണപ്പെട്ടിരുന്നു. മറ്റു മക്കളില്ല.
റീത്താമ്മ കുവൈത്തിൽ മെഹബുലയിലെ ഒരു സ്വകാര്യ കമ്പനിയിൽ ക്ളീനിങ് വിഭാഗത്തിലാണ് ജോലി ചെയ്യുന്നത്.എന്നാൽ ഇവരുടെ വിസാ കാലാവധി കഴിഞ്ഞതിനാൽ വിസ പുതുക്കാതെ നാട്ടിലേക്ക് മടങ്ങിയാൽ തിരിച്ചു കുവൈത്തിലേക്ക് വരാൻ ബുദ്ധിമുട്ടാവും. എംബസിയിൽ നിന്ന് അനുമതി ലഭിച്ചാലും നാട്ടിലേക്ക് പോകണമെങ്കിൽ വിസ പുതുക്കാനും വിമാന ടിക്കറ്റിനും പണം കണ്ടെത്തേണ്ടി വരും.കോവിഡ് കാരണം കഴിഞ്ഞ മൂന്ന് മാസമായി ജോലിയില്ലാതെ മുറിയിൽ കഴിയുന്ന ഇവർ ഈ തുക എങ്ങനെയുണ്ടാക്കുമെന്ന ആശങ്കയിലാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
