December 01, 2020
December 01, 2020
റിയാദ്: സൗദി അറേബ്യയില്‍ മലയാളി കുത്തേറ്റ് മരിച്ചു. മലപ്പുറം കൂടിലങ്ങാടി സ്വദേശി അബ്ദുല് അസീസ്(60) ആണ് ജിദ്ദയിലെ ഇന്‍ഡ്രസ്ട്രിയല്‍ സിറ്റിയില്‍ കൊല്ലപ്പെട്ടത്. സഹപ്രവര്‍ത്തകനായ പാക്കിസ്ഥാന്‍ സ്വദേശി കത്തികൊണ്ട് കുത്തികൊലപ്പെടുത്തുകയായിരുന്നു.മുന്‍ വൈരാഗ്യമാണ് കൊലപാതകത്തിന് കാരണമെന്നാണ് സൂചന.
അസീസിനെ രക്ഷപെടുത്താന്‍ ശ്രമിക്കുന്നതിനിടെ മറ്റൊരു മലയാളിക്കും ഒരു ബംഗ്ലാദേശ് പൗരനും പരിക്കേറ്റിട്ടുണ്ട്. ഗുരുതരമായി പരിക്കേറ്റ അസീസ് സംഭവസ്ഥലത്തു തന്നെ മരിച്ചു.അബ്ദുക്കാക്ക എന്ന പേരില്‍ അറിയപ്പെട്ടിരുന്ന മരിച്ച അബ്ദുല് അസീസ് ചെലൂര്‍ മഹല്ല് കൂട്ടായ്മ പ്രസിഡന്റായിരുന്നു.നാല് പെണ്‍ മക്കളടക്കം അഞ്ച് പേരുടെ പിതാവാണ് കൊല്ലപ്പെട്ട അബ്ദുല് അസീസ്.
ഫാര്‍മസ്യൂട്ടിക്കല്‍ സൊല്യൂഷ്യന്‍ ഇന്‍ഡസ്ട്രിയല്‍ എന്ന കമ്പനിയിൽ മെയിന്റിനെന്‍സ് സൂപ്പര്‍വൈസറായിരുന്നു അബ്ദുല് അസീസ്. 36 വര്‍ഷമായി സൗദിയിലുള്ള അബ്ദുല് അസീസ് 30 വര്‍ഷമായി ഈ കമ്പനിയിലാണ് ജോലി ചെയ്യുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
