May 20, 2023
May 20, 2023
ന്യൂസ്‌റൂം ബ്യുറോ
ജിദ്ദ:സൗദിയിലെ ജിദ്ദ പുണ്യസ്ഥലങ്ങൾ സന്ദർശിക്കുന്നതിനുള്ള മൗലാന മദീന സിയാറ സ്ഥാപനം നടത്തിയിരുന്ന ഖാദര്‍ മുസ്‌ലിയാര്‍ കൊടുവള്ളി (50) ത്വാഇഫില്‍ വാഹനമിടിച്ചു മരിച്ചു.
ശറഫിയയില്‍ നിന്നും രണ്ട് ബസുകളിലായി സന്ദര്‍ശകരുമായി വെള്ളിയാഴ്ച രാവിലെ ത്വാഇഫിലെ ചരിത്രസ്ഥലങ്ങള്‍ സന്ദര്‍ശിക്കുന്നതിനായി പോയതായിരുന്നു.രാവിലെ 11.30 ഓടെ വിവിധ ചരിത്രസ്ഥലങ്ങള്‍ സന്ദര്‍ശകര്‍ക്കായി വിശദീകരിച്ചു നല്‍കിയശേഷം റോഡ് മുറിച്ചുകടക്കുന്നതിനിടെ അതിവേഗത്തില്‍ വന്ന കാര്‍ ഇദ്ദേഹത്തെ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തില്‍ മുകളിലേക്ക് തെറിച്ചു പോയ ഇദ്ദേഹത്തിന് ഗുരുതരമായി പരിക്കേല്‍ക്കുകയും മരിക്കുകയുമായിരുന്നു.
സന്ദര്‍ശന വിസയിലെത്തിയ ഭാര്യയും കുട്ടികളും അപകടം നടക്കുമ്പോൾ കൂടെ ഉണ്ടായിരുന്നു. മൃതദേഹം ത്വാഇഫ് കിങ് അബ്ദുല്‍ അസീസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു.
പിതാവ്: ഉണ്ണിമോയി കുനിപ്പാലില്‍, ഭാര്യ: നദീറ, മക്കള്‍: സവാദ്, സാബിത്ത്, ഫാത്തിമ സന്‍വ, സഹോദരങ്ങള്‍: ഔഫ്, ഖിറാഷ്, ഹാരിസ്, ഉനൈസ്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
