February 24, 2023
February 24, 2023
അൻവർ പാലേരി
ദോഹ : ഖത്തറിലെ ഇന്ത്യന്‍ എംബസിക്ക് കീഴിലുള്ള മൂന്ന് അപെക്സ് ബോഡികളിലേക്കുള്ള തെരഞ്ഞെടുപ്പ് വീണ്ടും നീട്ടിവെച്ചു.ഡിജിപോള്‍ ആപ്പിലെ ഇന്റേര്‍ണല്‍ സര്‍വറിലെ കുഴപ്പം കാരണമാണ് തെരഞ്ഞെടുപ്പ് രണ്ടാം തവണയും നീട്ടിവെച്ചത്.
ഇന്ത്യന്‍ കള്‍ചറല്‍ സെന്റര്‍, ഇന്ത്യന്‍ കമ്മ്യൂണിറ്റി ബനലവന്റ് ഫോറം, ഇന്ത്യന്‍ സ്‌പോര്‍ട്‌സ് സെന്റര്‍ എന്നിവയുടെ അടുത്ത രണ്ട് വര്‍ഷത്തേക്കുള്ള ഭാരവാഹികളെ തെരഞ്ഞെടുക്കുന്നതിനുള്ള തെരഞ്ഞെടുപ്പ് ഇന്ന് ഉച്ച കഴിഞ്ഞ് 3 മണിക്ക് തന്നെ ആരംഭിച്ചെങ്കിലും ഡിജിപോള്‍ ആപ്പിലെ കുഴപ്പം കാരണം പലർക്കും വോട്ടു ചെയ്യാൻ കഴിഞ്ഞിരുന്നില്ല.
സാങ്കേതിക തകരാർ പരിഹരിക്കാന്‍ ശ്രമിക്കുകയാണെന്നും പുതിയ തെരഞ്ഞെടുപ്പ് തിയതി പിന്നീട് അറിയിക്കുമെന്നും എംബസി വൃത്തങ്ങൾ അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക
