May 20, 2023
May 20, 2023
ന്യൂസ്‌റൂം ബ്യുറോ
ദോഹ:30 വർഷത്തിലധികമായി ഖത്തറിൽ ജോലി ചെയ്യുന്ന 5 ഇന്ത്യൻ തൊഴിലാളികളെ ഇന്ത്യൻ എംബസി അപെക്സ് സംഘടനയായ ഇന്ത്യൻ കമ്യുണിറ്റി ബെനവലന്റ് ഫോറം(ഐ.സി.ബി.എഫ്)ആദരിക്കുന്നു. രാജ്യാന്തര തൊഴിലാളി ദിനാഘോഷങ്ങളുടെ ഭാഗമായി ഈ മാസം 26ന് ഏഷ്യൻ ടൗൺ ക്രിക്കറ്റ് സ്‌റ്റേഡിയം പാർക്കിങ്ങിലാണ് പരിപാടി സംഘടിപ്പിക്കുന്നത്.ഐസിബിഎഫ്-ലേബർ ഡേ രംഗ് തരംഗിന്റെ ഭാഗമായാണ് ആദരം.
30 വർഷത്തിലധികമായി ഖത്തറിൽ ജോലി ചെയ്യുന്ന 5 ഇന്ത്യൻ തൊഴിലാളികളെയാണ് ആദരിക്കുന്നത്. കമ്പനിയിൽ അല്ലെങ്കിൽ സ്ഥാപനങ്ങളിൽ ജോലി ചെയ്യുന്നവർ, ഗാർഹിക തൊഴിലാളികൾ എന്നിവരെയാണ് ആദരിക്കുന്നത്. ഫ്രീലാൻസ് തൊഴിലാളികളെ പരിഗണിക്കില്ല.
അർഹരായ തൊഴിലാളികളെ ഇന്ത്യൻ കമ്യൂണിറ്റി അംഗങ്ങൾക്ക് നോമിനേറ്റ് ചെയ്യാം. തൊഴിലാളിയുടെ പേര്, എത്ര വർഷമായി ഖത്തറിൽ താമസിക്കുന്നു, ജോലിയുടെ സ്വഭാവം, കമ്പനി/സ്ഥാപനം, മൊബൈൽ നമ്പർ, നോമിനേറ്റ് ചെയ്യുന്ന തൊഴിലാളിയെക്കുറിച്ചുള്ള ലഘുവിവരണം, ബന്ധപ്പെടാനുള്ള വിലാസം എന്നിവ സഹിതം 22നകം icbfqatar@gmail.com എന്ന ഇ-മെയിലിൽ അയയ്ക്കണം. കൂടുതൽ വിവരങ്ങൾക്ക് 66100744 (വർക്കി ബോബൻ, ഐസിബിഎഫ് ജനറൽ സെക്രട്ടറി).
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
