April 25, 2023
April 25, 2023
ന്യൂസ്‌റൂം ബ്യൂറോ
ദോഹ: 52-ാമത് അമീര്‍ കപ്പ് സെമി ഫൈനലില്‍ തകര്‍പ്പന്‍ ജയത്തോടെ മുന്‍ ചാമ്പ്യന്മാരായ അല്‍ സദ്ദ് ഫൈനലില്‍. തിങ്കളാഴ്ച രാത്രി നടന്ന സെമിഫൈനലില്‍ അല്‍ ഷഹാനിയയെ 5-1 ന് തോല്‍പിച്ചാണ് അല്‍ സദ്ദ് ഫൈനലിലെത്തിയത്. മുന്‍ സ്പാനിഷ് താരം സാന്റി കസറോളിന്റെ പോരാട്ട വീര്യത്തിനുമുന്നില്‍ എതിരാളികളുടെ ചെറുത്തനില്‍പ്പുകളെല്ലാം പരാജയപ്പെട്ടു. 18-ാം മിനിറ്റില്‍ പെനാലിറ്റിയിലൂടെയും 32-ാം മിനിറ്റില്‍ ബോക്‌സിനു മുന്നിലെ മനോഹരമായ മുന്നേറ്റത്തിലൂടെയും കസറോള്‍ തന്റെ കരുത്ത് തെളിയിച്ചു. അയ്യൂബ് അല്‍ കഅബി 26-ാം മിനിറ്റില്‍ മറ്റൊരു ഗോള്‍ കൂടി നേടി ടീമിനെ ആദ്യ പകുതിയില്‍ തന്നെ 3-0ലെത്തിച്ചു. ബോക്‌സിനുള്ളില്‍ സൂപ്പര്‍താരം അക്രം അഫിഫിയെ വീഴ്ത്തിയതിന് ലഭിച്ച പെനാല്‍റ്റിയാണ് സാന്റി ആദ്യ ഗോളായി ലക്ഷ്യത്തിലെത്തിച്ചത്. ബഗ്ദാന്‍ ബനുജ് ഇരട്ട ഗോള്‍ നേടി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
