November 03, 2022
November 03, 2022
ന്യൂസ്‌റൂം ബ്യുറോ
ദോഹ : മൂന്ന് ദിവസം നീണ്ടുനിൽക്കുന്ന ദർബ് ലുസൈൽ ഫെസ്റ്റിവലിന് ഇന്ന് ലുസൈൽ ബൊളിവാർഡിൽ തുടക്കമാവും.ഇന്ന്(വ്യാഴം)പ്രശസ്ത കുവൈത്തി ഗായകനും സംഗീതസംവിധായകനുമായ അബ്ദുൽ അസീസ് ലൂയിസ്,ലബനാനി ഗായകൻ ജോസഫ് അത്തിയ്യ എന്നിവർ നയിക്കുന്ന സംഗീത പരിപാടിയാണ് അരങ്ങേറുക.പ്രവേശനം സൗജന്യമാണ്.
നാളെ(നവംബർ 4 വെള്ളി)ഖത്തറിലെ ഇന്ത്യൻ പ്രവാസി സമൂഹം ആകാംക്ഷയോടെ കാത്തിരിക്കുന്ന ബോളിവുഡ് സംഗീതോത്സവം വൈകീട്ട് 7 മണിക്ക് ലുസൈൽ സ്റ്റേഡിയത്തിൽ അരങ്ങേറും. റാഹത് ഫത്തേഹ് അലി ഖാൻ, സുനിധി ചൗഹാൻ, സലിം സുലൈമാൻ, പെർഫെക്റ്റ് അമാൽഗമേഷൻ തുടങ്ങിയ സംഗീത പ്രതിഭകൾ അണിനിരക്കും.ടിക്കറ്റുള്ള ഹയ്യ കാർഡ് ഉടമകൾക്കായിരിക്കും പ്രവേശനം.200,150,80,40 റിയാൽ നിരക്കിൽ ടിക്കറ്റുകൾ ലഭിക്കും.
നവംബർ 5 ന് ഈജിപ്ഷ്യൻ നടനും ചലച്ചിത്ര പിന്നണി ഗായകനുമായ അഹമ്മദ് സാദ് നയിക്കുന്ന സംഗീത പരിപാടിയോടെയാണ് ഫെസ്റ്റിവൽ സമാപിക്കുക.പ്രവേശനം സൗജന്യമായിരിക്കും.മൂന്നു ദിവസവും രാത്രി ഡ്രോൺ ആൻഡ് ലൈറ്റ് പ്രദർശനവും ഉണ്ടായിരിക്കും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
