April 30, 2020
April 30, 2020
അബുദാബി : തൃശൂർ തിരുവത്ര സ്വദേശിയും പൊതുപ്രവർത്തകനുമായിരുന്ന പാലപ്പെട്ടി പി.കെ.കരീം ഹാജി(62) അബുദാബിയിൽ നിര്യാതനായി. കോവിഡ് ബാധിച്ചതിനെ തുടർന്ന് കഴിഞ്ഞ ഏതാനും ദിവസങ്ങളായി അബുദാബി ബുർജീൽ ആശുപത്രിയിൽ ചികിത്സയിലായിരുന്നു.
കെ.എം.സി.സി അംഗം,അബുദാബി സുന്നി സെന്റർ ട്രെഷറർ,ഇസ്‌ലാമിക് സെന്റർ സെക്രട്ടറി, യു.എ.ഇ സുന്നി കൗൺസിലർ എന്നീ നിലകളിൽ പ്രവർത്തിച്ചു വരികയായിരുന്നു.
കോവിഡ് പോസറ്റിവ് ആയതിന് ശേഷം ചികിത്സയിൽ കഴിയുമ്പോഴും രോഗബാധിതരായ മറ്റുള്ളവർക്ക് സഹായം എത്തിക്കുന്നതിനായി നിരന്തരം തന്റെ സഹപ്രവർത്തകരോട് ആവശ്യപ്പെട്ടിരുന്നതായി അദ്ദേഹവുമായി അടുപ്പമുള്ളവർ അറിയിച്ചു.ബുധനാഴ്ച രാത്രിയായിരുന്നു അന്ത്യം.
സുബൈദയാണ് ഭാര്യ.മക്കൾ : മുഹമ്മദ് ബഷീർ(അബുദാബി),മുഹമ്മദ് അബ്ദുൽ ജലീൽ(ദുബായ്),മുഹമ്മദ് അബ്ദുൽ ഗഫൂർ(അബുദാബി).
മൃതദേഹം കോവിഡ് പ്രോട്ടോക്കോൾ അനുസരിച്ച് നാളെ ബനിയാസ് ഖബർസ്ഥാനിൽ സംസ്കരിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
