December 02, 2022
December 02, 2022
അൻവർ പാലേരി
ദോഹ : ഖത്തർ ലോകകപ്പ് ആരവങ്ങൾക്കിടെ ലുസൈൽ സ്റ്റേഡിയത്തിന് പുറത്ത് ബോളിവുഡ് താരം അമീർഖാനെയും കുടുംബത്തെയും കണ്ട സന്തോഷത്തിൽ ആരാധകർ.ആദ്യഭാര്യ കിരൺ റാവുവിനും മകൻ ആസാദ് റാവു ഖാനുമൊപ്പമാണ് അമീർഖാൻ ലോകകപ്പ് മത്സരങ്ങൾ കാണാൻ ഖത്തറിൽ എത്തിയത്.
സമൂഹ മാധ്യമങ്ങളിൽ വൈറലായ വീഡിയോയിൽ താരപ്രഭയില്ലാതെ മുന്നിലെത്തിയ താരത്തിനൊപ്പം ആരാധകർ സെൽഫിയെടുക്കുന്നതും ആരാധകരെക്കൊണ്ട് താരം തന്റെയും കുടുംബത്തിന്റെയും ഫോട്ടോ എടുപ്പിക്കുന്നതിൻറെയും ദൃശ്യങ്ങളാണ് ഉള്ളത്.മകൻ ആസാദ് റാവു അർജന്റീന പതാക കഴുത്തിൽ ചുറ്റിപ്പിടിച്ച് പോസ് ചെയ്തു.
#AamirKhan and family enjoying #WorldCup in #qatar am really happy to see him having a good time after the failure of his film #LSC . pic.twitter.com/F7H02pmAJQ
— Khalid (@BEINGKKHALID) November 30, 2022
പതിനഞ്ച് വർഷത്തെ ദാമ്പത്യജീവിതം അവസാനിപ്പിച്ചു പരസ്പരം വേർപിരിയുന്നതായി അമീർഖാനും കിരണറാവുവും 2021 ജൂലായിലാണ് സംയുക്ത പ്രസ്താവനയിലൂടെ പ്രഖ്യാപിച്ചത്.എന്നാൽ ഭാര്യാഭർത്താക്കന്മാരായല്ല,മകൻ ആസാദിനോട് അർപ്പണ ബോധമുള്ള മാതാപിതാക്കളായി പുതിയൊരു ജീവിതം തുടരുകയാണെന്നും രണ്ടുപേരും പ്രസ്താവനയിൽ വ്യക്തമാക്കിയിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക.
