September 18, 2021
September 18, 2021
ദോഹ : ഔദ്യോഗിക പരിവേഷങ്ങളില്ലാതെ യു.എ.ഇ, സൗദി, ഖത്തർ നേതാക്കൾ നടത്തിയ കൂടികാഴ്ചയുടെ ചിത്രം സമൂഹ മാധ്യമങ്ങളിൽ വൈറലാകുന്നു. ഉപരോധത്തിന് മുമ്പുണ്ടായിരുന്ന നേതാക്കൾക്കിടയിൽ സൗഹൃദം തിരിച്ചുവന്നതിന്റെ സൂചനയായാണ് ചിത്രം വിലയിരുത്തപ്പെടുന്നത്.സൗദി കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ അമീർ മുഹമ്മദ് ബിന്‍ സല്‍മാനും ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ഥാനിയും യു.എ.ഇ ദേശീയ സുരക്ഷ ഉപദേഷ്ടാവ് ശൈഖ് തഹ്നൂൻ ബിൻ സായിദ് ആൽ നഹ്യാനും സൗദിയിലെ ചെങ്കടൽ തീരത്ത് നടത്തിയ കൂടിക്കാഴ്ചകിട്ടി പകർത്തിയ ചിത്രമാണ് അറബ് ലോകത്ത് വൈറലായത്.
അൽ ഉല ഉച്ചകോടിക്ക് ശേഷമുള്ള സാഹചര്യം സംഗമത്തിൽ ചർച്ചയായി. സൗദിയിലെ ചെങ്കടൽ പ്രദേശത്തുള്ള കൊട്ടാരത്തിൽ വെച്ചാണ് സൗഹൃദ സംഭാഷണം നടന്നത്. സാധാരണ വേഷവിധാനങ്ങളിൽ നിന്നും വ്യത്യസ്തമായാണ് മൂന്ന് നേതാക്കളും വസ്ത്രം ധരിച്ചിരിക്കുന്നത്.അതേസമയം, എപ്പോഴാണ് കൂടിക്കാഴ്ച നടന്നതെന്ന് വ്യക്തമല്ല.
