September 17, 2022
September 17, 2022
ദോഹ: ഖത്തറിലെ എല്ലാ വാണിജ്യ സ്ഥാപനങ്ങളിലും അധിക നിരക്ക് ഈടാക്കാതെയുള്ള ഇലക്ട്രോണിക് പേയ്‌മെന്റ് സംവിധാനം നിര്ബന്ധമാക്കിയതായി വാണിജ്യ,വ്യവസായ മന്ത്രാലയം അറിയിച്ചു. കുറഞ്ഞ തുക, കൂടുതൽ സുരക്ഷ' എന്ന ആശയത്തെ അടിസ്ഥാനമാക്കി എല്ലാ വാണിജ്യ ഔട്ട്‌ലെറ്റുകളിലും മൂന്ന് തരം ഇലക്ട്രോണിക് പേയ്‌മെന്റ് സേവനങ്ങളാണ് നിർദേശിച്ചിരിക്കുന്നത്. ബാങ്ക് കാർഡ്, ബാങ്ക് പേയ്‌മെന്റ് വാലറ്റ് അല്ലെങ്കിൽ ക്യുആർ കോഡ് എന്നിവ ഉപയോഗിച്ച് ഉപഭോക്താക്കൾക്ക് പണമടക്കാനുള്ള സൗകര്യം നിർബന്ധമാക്കിയതായി മന്ത്രാലയം ട്വീറ്റ് ചെയ്തു.
ഇലക്ട്രോണിക് പണമിടപാടുകൾ കള്ളപ്പണ ഇടപാടുകളും മോഷണവും ഉൾപ്പെടെയുള്ള അപകടസാധ്യതകൾ കുറയ്ക്കാൻ സഹായിക്കുമെന്നും മന്ത്രാലയം ചൂണ്ടിക്കാട്ടി.അതേസമയം,ഇലക്ട്രോണിക് പണമിടപാടുകൾക്ക് ഒരു തരത്തിലുള്ള അധിക നിരക്കുകളും ഈടാക്കാരുതെന്നും മന്ത്രാലയം വാണിജ്യസ്ഥാപനങ്ങൾക്ക് നൽകിയ സർക്കുലറിൽ ആവശ്യപ്പെട്ടിട്ടുണ്ട്.
ഇലക്ട്രോണിക് പേയ്‌മെന്റ് സംവിധാനത്തിനുള്ള അടിസ്ഥാന സൗകര്യങ്ങൾ ഒരുക്കാനുള്ള നടപടിക്രമങ്ങൾ അധികൃതർ ഊർജിതമാക്കിയിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
