August 18, 2022
August 18, 2022
ദോഹ : ഖത്തർ ലോകകപ്പിന് 94 ദിവസങ്ങൾ മാത്രം അവശേഷിക്കെ ടിക്കറ്റ് വിൽപനയിൽ വൻ വർധനവ്.20,45000 ടിക്കറ്റുകൾ വിറ്റഴിച്ചതായി അധികൃതർ അറിയിച്ചു.അറബ് ലോകത്ത് ആദ്യമായി പന്തുരുളുന്ന ഫിഫ ലോകകപ്പിനുള്ള ടിക്കറ്റ് സ്വന്തമാക്കിയവരിൽ ഖത്തർ, യുഎസ്എ, ഇംഗ്ലണ്ട്, സൗദി അറേബ്യ, മെക്‌സിക്കോ, യുഎഇ, ഫ്രാൻസ്, അർജന്റീന, ബ്രസീൽ, ജർമ്മനി എന്നീ രാജ്യങ്ങളിൽ നിന്നുള്ള ആരാധകരാണ് മുന്നിലുള്ളത്.
കാമറൂൺ-ബ്രസീൽ, ബ്രസീൽ- സെർബിയ, പോർച്ചുഗൽ - ഉറുഗ്വേ, കോസ്റ്റാറിക്ക- ജർമ്മനി, ഓസ്‌ട്രേലിയ-ഡെന്മാർക്ക് തുടങ്ങിയ ഗ്രൂപ്പ്-മത്സരങ്ങൾക്കാണ് ഏറ്റവും കൂടുതൽ ടിക്കറ്റുകൾ അനുവദിച്ചത്.
അവസാന നിമിഷ വിൽപന ഘട്ടത്തിലായിരിക്കും ഇനി ടിക്കറ്റുകൾ സ്വന്തമാക്കാൻ അവസരമുണ്ടാവുക. ഇതിന് പുറമെ, ദോഹയിൽ കൗണ്ടർ വിൽപ്പനയും ആരംഭിക്കും.സെപ്തംബർ അവസാനം മുതൽ FIFA.com/tickets-ഔദ്യോഗിക വെബ്‌സൈറ്റ് ശ്രദ്ധിക്കണമെന്നും അവസാന നിമിഷ വിൽപ്പന ഘട്ടം വെബ്‌സൈറ്റിൽ അറിയിക്കുമെന്നും അധികൃതർ വ്യക്തമാക്കി..
ആദ്യം വരുന്നവർക്ക് ആദ്യം എന്ന പരിഗണയിൽ കഴിഞ്ഞ ജൂലായ് 5 മുതൽ ആരംഭിച്ച ടിക്കറ്റ് വിൽപന ആഗസ്റ്റ് 16നാണ് അവസാനിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്ന ലിങ്കിൽ ജോയിൻ ചെയ്യുക
