November 15, 2021
November 15, 2021
ദോഹ : ലോകകപ്പ് ഫുട്‍ബോളിന്റെ മുന്നൊരുക്കങ്ങളുടെ ഭാഗമായ 'വതൻ' സെക്യൂരിറ്റി മോക്ഡ്രിൽ അരങ്ങേറുന്നതിനാൽ, മെട്രോയുടെ പ്രവർത്തനം ഭാഗികമായി തടസ്സപ്പെടുമെന്ന് അധികൃതരുടെ മുന്നറിയിപ്പ്. എഡ്യൂക്കേഷൻ സിറ്റി മുതൽ അൽ റിഫ വരെയുള്ള മെട്രോ സർവീസുകൾ നാളെ (നവംബർ 16) വൈകുന്നേരം 3 മണി മുതൽ 9 മണിവരെ പ്രവർത്തിക്കില്ലെന്ന് അധികൃതർ അറിയിച്ചു. മറ്റ് സർവീസുകൾ മാറ്റമില്ലാതെ തുടരും.
പതിമൂന്ന് രാജ്യങ്ങളിൽ നിന്നുള്ള സുരക്ഷാസംഘങ്ങൾ പങ്കെടുക്കുന്ന വമ്പൻ മോക്ഡ്രില്ലിനാണ് ഖത്തർ തയ്യാറെടുക്കുന്നത്. ലോകകപ്പിനെ വരവേൽക്കാൻ തങ്ങൾ സർവ്വസജ്ജരാണെന്ന് ലോകത്തെ ബോധിപ്പിക്കാനുള്ള അവസരമായാണ് ഖത്തർ 'വതൻ' മോക്ഡ്രില്ലിനെ കാണുന്നത്. രാജ്യത്തിന്റെ വിവിധഭാഗങ്ങളിലായാണ് മോക്ഡ്രിൽ അരങ്ങേറുന്നത്.
