July 04, 2021
July 04, 2021
ദുബൈ:മൊഡേണ കൊവിഡ് 19 വാക്സിന്റെ ഉപയോഗത്തിന് അനുമതി നല്‍കിയതായി യു.എ.ഇ ആരോഗ്യ, പ്രതിരോധ മന്ത്രാലയം അറിയിച്ചു. ക്ലിനിക്കല്‍ പരിശോധനകള്‍ക്കും കര്‍ശന വിലയിരുത്തലുകള്‍ക്കും ശേഷമാണ് പുതിയ തീരുമാനം പ്രഖ്യാപിച്ചത്.
രാജ്യത്തിന്റെ നടപടികളും ചട്ടങ്ങളും മൊഡേണ വാക്സിന് പാലിക്കുന്നുണ്ട്. അതോടൊപ്പം വാക്സിന്റെ സുരക്ഷിതത്വത്തിനും ഉപയോഗത്തിനുമായുള്ള ആഗോള നിലവാരം മൊഡേണ വാക്സിന് ഉറപ്പാക്കുന്നുണ്ടെന്നും സ്ഥിരീകരിച്ച ശേഷമാണ് തീരുമാനമെടുത്തതെന്ന് ഹെല്‍ത്ത് റെഗുലേറ്ററി വിഭാഗം അസിസ്റ്റന്റ് അണ്ടര്‍ സെക്രട്ടറി ഡോ. അമിന്‍ ഹസ്സന്‍ അല്‍ അമീരി പറഞ്ഞു.
