September 12, 2019
September 12, 2019
ദോഹ : തൃശൂർ സ്വദേശിയെ ദോഹയിൽ കാണാതായി.വലപ്പാട് സ്വദേശി ജ്യോതിഷ് സുബ്രമണ്യൻ എന്ന യുവാവിനെ ഇക്കഴിഞ്ഞ പത്താം തിയതി മുതൽ കാണാനില്ലെന്ന് കാണിച്ചു കൂടെ ജോലി ചെയ്യുന്നവർ പോലീസിൽ പരാതി നൽകിയിട്ടുണ്ട്.ഇൻഡസ്ട്രിയൽ ഏരിയ 52 ൽ സനയ്യ ഹൈപ്പർ മാർക്കറ്റിൽ ജീവനക്കാരനായിരുന്നു.8 വർഷം മുമ്പ് ദോഹയിലെത്തിയ ജ്യോതിഷ് ലോജിസ്റ്റിക് ഗ്രൂപ്പിൽ ജോലി ചെയ്തിരുന്നു.
കഴിഞ്ഞ 10ന് ജോലി സ്ഥലത്തു നിന്നും നാട്ടിലേക്ക് പണമയക്കാൻ എക്സ്ചേഞ്ചിലേക്ക് പോയിരുന്നതായി കൂടെ ജോലി ചെയ്യുന്നവർ പറഞ്ഞു.തിരിച്ചു വരാതായപ്പോൾ കൂടെയുണ്ടായിരുന്നവർ അന്വേഷിച്ചെങ്കിലും മൊബൈൽ ഫോൺ സ്വിച്ഡ് ഓഫായതിനാൽ ബന്ധപ്പെടാൻ കഴിഞ്ഞില്ല.തുടർന്ന് നടത്തിയ അന്വേഷണത്തിൽ വിവരമൊന്നും ലഭിക്കാത്തതിനെ തുടർന്നാണ് പോലീസിൽ പരാതി നൽകിയത്.നാട്ടിലേക്ക് പണമയച്ചതിന് സ്ഥിരീകരണം ലഭിച്ചിട്ടുണ്ട്.
പോലീസ് വിശദമായ അന്വേഷണം തുടങ്ങിയിട്ടുണ്ട്.ഉംസലാൽ ടവറിന്റെ പരിധിയിലാണ് ഇയാൾ അവസാനമായി മൊബൈൽ ഫോൺ ഉപയോഗിച്ചതെന്ന് ലഭ്യമായ വിവരം.ഇദ്ദേഹത്തെ കുറിച്ച് എന്തെങ്കിലും വിവരം ലഭിക്കുന്നവർ 74469720, 74420860 എന്നീ മൊബൈൽ നമ്പറുകളിലോ പോലീസ് സ്റ്റേഷനിലോ വിവരം അറിയിക്കണം.
