September 26, 2022
September 26, 2022
ന്യൂസ്‌റൂം ബ്യുറോ
ദോഹ : ഇന്ന് വിടവാങ്ങിയ ആഗോള ഇസ്‌ലാമിക പണ്ഡിതൻ ഡോ.യുസുഫ് അൽ ഖർദാവിയുടെ മയ്യിത്ത് നമസ്കാരം നാളെ ഉച്ചക്ക് ളുഹർ നമസ്കാരാനന്തരം ദോഹയിലെ ഇമാം മുഹമ്മദ് ബിൻ അബ്ദുൽവഹാബ് പള്ളിയിൽ നടക്കും.തുടർന്ന് അബുഹമൂർ ഖബർസ്ഥാനിലായിരിക്കും അദ്ദേഹത്തിന് അന്ത്യവിശ്രമം ഒരുക്കുക.പുരുഷന്മാർക്കുള്ള അനുശോചന യോഗം വൈകീട്ട് ഖറദാവിയുടെ വീടിന് മുന്നിലെ ടെന്റിലും സ്ത്രീകൾക്ക് വീടിനകത്തും ചേരുമെന്ന് ബന്ധപ്പെട്ട കേന്ദ്രങ്ങൾ അറിയിച്ചു.
മലയാളികളുമായി അടുത്തബന്ധം പുലർത്തിയിരുന്ന ഖറദാവിയുടെ വിയോഗത്തിൽ ഖത്തറിലെ മലയാളി സമൂഹം ദുഃഖം രേഖപ്പെടുത്തി.
ഈജിപ്തിൽ ജനിച്ച ഖറദാവി കഴിഞ്ഞ കുറെ വർഷങ്ങളായി ദോഹയിലാണ് താമസിച്ചുവരുന്നത്.ഇന്ന് ദോഹയിലായിരുന്നു അന്ത്യം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
