September 23, 2019
September 23, 2019
ദോഹ : ഖത്തറിലെ നിർമാണ മേഖലയിലെ ഏറ്റവും വലിയ പ്രദർശനങ്ങളിൽ ഒന്നായ 'ദി ബിഗ് ഫൈവ് കൺസ്ട്രക്റ്റ്' പ്രദർശനത്തിന് ദോഹ എക്സിബിഷൻ ആൻഡ് കൺവെൻഷൻ സെന്ററിൽ തുടക്കമായി. പരിസ്ഥിതി - മുനിസിപ്പൽ വകുപ്പ് മന്ത്രി മുഹമ്മദ് ബിൻ അബ്ദുല്ല അൽ റുമൈഹിയാണ് പ്രദർശനം ഉത്ഘാടനം ചെയ്തത്. 20 രാജ്യങ്ങളിൽനിന്നുള്ള 150 കമ്പനികൾ പ്രദർശനത്തിൽ പങ്കെടുക്കുന്നുണ്ട്.ഏറ്റവും പുതിയ ഉൽപന്നങ്ങളും സാങ്കേതിക വിദ്യകളും പരിചയപ്പെടുത്തുന്നതാണ് പ്രദർശനം.
പ്രധാനമന്ത്രി ശൈഖ് അബ്ദുല്ല ബിൻ നാസർ ബിൻ ഖലീഫാ ബിൻ അൽതാനിയുടെ രക്ഷാകർതൃത്വത്തിലാണ് പ്രദർശനം നടക്കുന്നത്.വിവിധ ശിൽപശാലകളും പ്രദർശനത്തിന്റെ ഭാഗമായി നടക്കും.രാവിലെ 11 മുതൽ രാത്രി 7 വരെയാണ് പൊതുജനങ്ങൾക്ക് പ്രവേശനം അനുവദിക്കുക.പ്രദർശനം ഈ മാസം 25 വരെ നീളും.
കെട്ടിട നിർമാണവുമായി ബന്ധപ്പെട്ട എല്ലാ വിഭാഗങ്ങക്കും പരിചയപ്പെടുത്തുന്നതാണ് പ്രദർശനം.
