March 28, 2022
March 28, 2022
ദോഹ : രാജ്യത്തെ റൗദത്ത് ഉമ്മു അൽ സലാം സ്ട്രീറ്റും, വാദി അൽ അസ്‌കർ സ്ട്രീറ്റിലെ അൽ ഖറൈത്തിയാത്ത് ഭാഗവും താൽകാലികമായി അടച്ചിടുമെന്ന് പൊതുമരാമത്ത് വകുപ്പായ അഷ്‌ഗാൽ അറിയിച്ചു. ട്രാഫിക് ജനറൽ ഡയറക്ടറേറ്റുമായി ചേർന്നാണ് അറ്റകുറ്റപ്പണിക്കായി ഈ പ്രദേശങ്ങളിൽ ഗതാഗതനിയന്ത്രണം ഏർപ്പെടുത്തുന്നത്. നാളെ രാവിലെ ആറ് മണിമുതൽ, അടുത്ത ആറ് ദിവസത്തിനുള്ളിൽ അറ്റകുറ്റപ്പണികൾ പൂർത്തിയാക്കും.
റൗദത്ത് ഉമ്മു അൽ സലാമിൽ നിന്നും അൽ ഖറൈത്തിയാത്തിലേക്ക് പോവുന്ന വാഹനങ്ങൾ 54, 55 സ്ട്രീറ്റുകളിലൂടെയാണ് അൽ ഖറൈത്തിയാത്തിൽ എത്തേണ്ടത്. എതിർ ദിശയിലേക്കുള്ള വാഹനങ്ങളും ഇതേ പാത പിന്തുടരണം. താൽകാലിക പാതയിൽ സൂചനാ ബോർഡുകൾ സ്ഥാപിക്കുമെന്ന് അഷ്‌ഗാൽ അറിയിച്ചിട്ടുണ്ട്. അനുവദനീയമായ വേഗതയിൽ, നിയമങ്ങൾ പാലിച്ചുകൊണ്ട് വാഹനമോടിക്കാൻ ജനങ്ങൾ ശ്രദ്ധിക്കണമെന്ന് അഷ്‌ഗാൽ അപേക്ഷിച്ചു.
