January 01, 2020
January 01, 2020
ദോഹ : നാലാമത് 'ഷോപ് ഖത്തർ' വ്യാപാരോത്സവം ജനുവരി 7 മുതൽ 31 വരെ നടക്കും. ഖത്തർ നാഷണൽ ടൂറിസം കൗൺസിലാണ് വ്യാപാരോത്സവം സംഘടിപ്പിക്കുന്നത്. വ്യാപാരമേളയിൽ പങ്കാളികളായ സ്ഥാപനങ്ങളിൽ നിന്നും ഉത്പന്നങ്ങൾ വാങ്ങുന്നവർക്ക് വിലപിടിപ്പുള്ള ഒട്ടേറെ സമ്മാനങ്ങൾ ഒരുക്കിയിട്ടുണ്ട്. കാറുകളും രണ്ടു മില്യണിൽ കൂടുതൽ കാഷ് പ്രൈസുകളുമാണ് വിജയികളെ കാത്തിരിക്കുന്നത്.
ഫെസ്റ്റിവൽ സിറ്റി,വില്ലാജിയോ മാൾ,സിറ്റി സെന്റർ,മിർഖാബ് മാൾ, ലാൻഡ്മാർക് മാൾ,ഗൾഫ് മാൾ, അൽഖോർ മാൾ, ലഗൂണ മാൾ, ഹയാത്ത് പ്ലാസ മാൾ, പേൾ ഖത്തർ എന്നീ സ്ഥാപനങ്ങൾ ഷോപ് ഖത്തറിൽ പങ്കാളികളാണ്.
വമ്പിച്ച വിലക്കിഴിവിന് പുറമെ ഫാഷൻ ഷോ ഉൾപ്പെടെയുള്ള വിവിധ പരിപാടികളും ഇത്തവണത്തെ ഷോപ് ഖത്തർ വ്യാപാരോത്സവത്തിന്റെ പ്രത്യേകതയാണ്.കുട്ടികൾക്കുള്ള ഫാഷൻ ഷോയും ഒരുക്കിയിട്ടുണ്ട്. പരിപാടിയുടെ ഭാഗമായി ജനുവരി 23 ന് ഏഷ്യൻ ടൗൺ ആംഫി തിയേറ്ററിൽ പ്രശസ്ത ഇന്ത്യൻ ബോളിവുഡ് ഗായകൻ സോനുനിഗം നയിക്കുന്ന സംഗീത പരിപാടി അരങ്ങേറും.
