December 20, 2019
December 20, 2019
റിയാദ് : സൗദി തലസ്ഥാനമായ റിയാദില്‍ സീസണ്‍ ഫെസ്റ്റിവലിനിടെ മൂന്ന് കലാകാരന്മാര്‍ക്ക് കുത്തേറ്റ സംഭവത്തിന് പിന്നിൽ അൽഖാഇദയാണെന്ന് സൗദി ടെലിവിഷൻ ചാനലായ അൽ ഇഖ്ബാറിയ റിപ്പോർട്ട് ചെയ്തു. എന്നാൽ വിവരത്തിന്റെ സ്രോതസ്സ് റിപ്പോർട്ടിൽ വ്യക്തമാക്കിയിട്ടില്ല. അൽ ഖാഇദയുടെ നിർദേശപ്രകാരമാണ് പ്രതി ആക്രമണം ചെയ്തതെന്നാണ് ചാനലിന്റെ വെളിപ്പെടുത്തൽ.
കഴിഞ്ഞ നവംബറിലാണ് മലസിലെ കിങ് അബ്ദുള്ള പാര്‍‌ക്കില്‍ സംഗീത ശില്‍പം അവതരിപ്പിക്കുകയായിരുന്ന കലാകാരന്മാരെ സ്റ്റേജിലെത്തിയ 33-കാരനായ യമന്‍ പൌരന്‍ കുത്തി പരിക്കേൽപിച്ചത്. ഒരു യുവതിക്കും മറ്റു മൂന്ന് പേര്‍ക്കും ആക്രമണത്തിൽ പരിക്കേറ്റിരുന്നു. ആക്രമണം നടത്തിയയാളെ പൊലീസ് സംഭവസ്ഥലത്തു തന്നെ അറസ്റ്റ് ചെയ്തിരുന്നു.
ഖത്തർ-ഗൾഫ് മേഖലയിൽ നിന്നുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സ്ആപ് നമ്പറിലേക്ക് സന്ദേശം അയക്കുക
