April 14, 2022
April 14, 2022
ദോഹ : പരിശുദ്ധ റമദാനിലെ നോമ്പ് കുടുംബാംഗങ്ങൾക്കൊപ്പം മരുഭൂമിയിൽ തുറക്കാനുള്ള അവസരവുമായി ഡിസ്കവർ ഖത്തർ. രാജ്യത്തെ വിനോദസഞ്ചാരകേന്ദ്രങ്ങളായ മരുഭൂമിയിൽ നോമ്പ് തുറക്കാനുള്ള അവസരമാണ് ഡിസ്കവർ ഖത്തർ നൽകുന്നത്.
പരമ്പരാഗത അറബ് ശൈലിയിലാവും നോമ്പ് തുറയ്ക്കുള്ള മുന്നൊരുക്കങ്ങൾ നടത്തുക. പഞ്ചനക്ഷത്രഹോട്ടലിൽ തയ്യാറാക്കപ്പെട്ട, നാലോളം വിഭവങ്ങളടങ്ങിയ നോമ്പ് തുറയിൽ, അറേബ്യൻ കാപ്പിയും റമദാൻ പാനീയങ്ങളും ഉണ്ടാവും. പരമാവധി നാല് പേരടങ്ങിയ സംഘത്തിന് വാഹനസൗകര്യം അടക്കം 720 റിയാലിലാണ് ബുക്കിംഗ് ആരംഭിക്കുന്നത്. DQ 10 എന്ന കോഡുപയോഗിച്ച് ഏപ്രിൽ 30 ന് മുൻപ് ബുക്കിംഗ് ചെയ്യുന്നവർക്ക് 10 ശതമാനം ഇളവ് ലഭിക്കുമെന്നും ഡിസ്കവർ ഖത്തർ അറിയിച്ചു. ഡിസ്കവർ ഖത്തറിന്റെ ഔദ്യോഗിക വെബ്‌സൈറ്റിൽ കൂടുതൽ വിവരങ്ങൾ ലഭ്യമാണ്.
