March 30, 2022
March 30, 2022
ദോഹ : ഖത്തർ ലോകകപ്പിലെ ഔദ്യോഗിക പന്ത് വിപണിയിൽ. കായികരംഗത്തെ അതികായരായ അഡിഡാസ് നിർമിച്ച പന്തിന്, അൽ റിഹ്ല എന്നാണ് പേര് നൽകിയിരിക്കുന്നത്. മാർച്ച്‌ 30 മുതൽ ഏപ്രിൽ 12 വരെ അഡിഡാസിന്റെ വിവിധ ഔട്ട്ലെറ്റുകളിൽ പന്ത് വില്പനയ്‌ക്കെത്തുമെന്നും അഡിഡാസ് ജനറൽ മാനേജർ നിക്ക് ക്രാഗ്സ് അറിയിച്ചു.
അറബിക് ഭാഷയിൽ യാത്രയുമായി ബന്ധപ്പെട്ട അർത്ഥമാണ് അൽ റിഹ്ല എന്ന വാക്കിനുള്ളത്. ഖത്തറിന്റെ സംസ്കാരം സൂചിപ്പിക്കാൻ, രാജ്യത്തിന്റെ പതാകയും, ബോട്ടുകളുടെ ചിത്രങ്ങളും പന്തിൽ ഉൾക്കൊള്ളിച്ചിട്ടുണ്ട്. സ്പീഡ് ഷെൽ എന്ന അത്യാധുനിക സാങ്കേതിക വിദ്യയുമായാണ് അൽ റിഹ്ല ലോകകപ്പിനെത്തുന്നത്. പന്തിന്റെ ഗതി കൃത്യമായി മനസിലാക്കാൻ 'സ്പീഡ് ഷെൽ' താരങ്ങളെ സഹായിക്കും. അൽ റിഹ്ലയുടെ വിപണിയിലൂടെ സമാഹരിക്കുന്ന പണത്തിൽ ഒരു ശതമാനം ജീവകാരുണ്യപ്രവർത്തനങ്ങൾക്കായി മാറ്റിവെക്കുമെന്ന് അഡിഡാസ് നേരത്തെ അറിയിച്ചിരുന്നു.
