December 23, 2021
December 23, 2021
ദോഹ : അടുത്ത വർഷം നടക്കാനിരിക്കുന്ന ടൂർണമെന്റുകളിൽ പങ്കെടുക്കാൻ വനിതാ വോളിബോൾ ടീമിനെ പ്രഖ്യാപിച്ച് ഖത്തർ. 2030 ലെ ഏഷ്യൻ ഗെയിംസ് മുന്നിൽ കണ്ടാണ് വനിതാ ടീമിനെ ഒരുക്കുന്നതെന്നും, നിലവിലെ ടീമിൽ മികവ് പുലർത്തുന്ന താരങ്ങൾ ഏഷ്യ കപ്പ് ടീമിന്റെ നെടുന്തൂണുകൾ ആവുമെന്നാണ് പ്രതീക്ഷയെന്നും ഖത്തർ വോളിബോൾ അസോസിയേഷൻ അറിയിച്ചു.
വോളിബോൾ അസോസിയേഷൻ തന്നെയാണ് വനിതാ ടീമിന്റെ പരിശീലനത്തിന് മുൻകൈ എടുക്കുന്നത്. ആദ്യഘട്ടത്തിൽ 60 താരങ്ങളെ ഉൾപ്പെടുത്തിയുള്ള ടീമാണ് പ്രഖ്യാപിച്ചത്. ഖത്തർ വോളിബോൾ അസോസിയേഷന്റെ ഹാളിൽ ഇവർക്ക് ആഴ്ച്ചയിൽ മൂന്ന് തവണ രണ്ട് മണിക്കൂർ വീതം പരിശീലനം നൽകും. സാറ ഖാലിദ് അൽ മിസ്നദാണ് വനിതാ വോളിബോൾ കമ്മിറ്റിയുടെ അധ്യക്ഷ.
