November 09, 2021
November 09, 2021
ദോഹ : ഖത്തർ അന്താരാഷ്ട്ര ബോട്ട് ഷോയുടെ എട്ടാം പതിപ്പ് നവംബർ 16 ന് ആരംഭിക്കുമെന്ന് സംഘാടകർ അറിയിച്ചു. അഞ്ച് ദിവസം നീണ്ടുനിൽക്കുന്ന മേള നവംബർ 20 ന് സമാപിക്കും. പേൾ ഖത്തറിലെ പോർട്ടോ അറേബ്യയിൽ അരങ്ങേറുന്ന മേളയിൽ ഇത്തവണ ഒരുപിടി പുതിയ കമ്പനികളും അണിനിരക്കും.
ആഡംബരനൗകകളുടെ സാന്നിധ്യമാണ് മേളയുടെ പ്രധാന ആകർഷണം. 2013 മുതൽ മേളയുടെ സംഘാടനം വഹിക്കുന്ന, അൽ മന്നായ് പ്ലസ് ഇവന്റ്സ്‌ ചെയർമാൻ ഖാലിദ് ഇസ്സ അൽ മന്നായ് ആണ് മേളയുടെ വിശദാംശങ്ങൾ പുറത്തുവിട്ടത്. കോവിഡ് മാനദണ്ഡങ്ങൾ പാലിച്ചുകൊണ്ട് മേള സന്ദർശിക്കാൻ എത്തണമെന്ന് അഭ്യർത്ഥിച്ച അൽ മന്നായ്, കോവിഡിനെതിരെ രാജ്യത്തെ ആരോഗ്യമന്ത്രാലയം നടത്തിയ പ്രതിരോധപ്രവർത്തനങ്ങളെ പ്രശംസിച്ചു.
