September 01, 2021
September 01, 2021
ദോഹ : കോവിഡ് ബാധിച്ചത് കാരണം വാർഷികപരീക്ഷ എഴുതാൻ കഴിയാതിരുന്ന വിദ്യാർത്ഥികൾക്കായി പരീക്ഷ നടത്തുമെന്ന് ഖത്തർ വിദ്യാഭ്യാസവകുപ്പ് പ്രഖ്യാപിച്ചു. സെപ്റ്റംബർ 5 മുതൽ 16 വരെ നടക്കുന്ന പരീക്ഷയിൽ സ്വകാര്യ-ഗവണ്മെന്റ് സ്‌കൂളുകളിൽ പഠിക്കുന്ന വിദ്യാർത്ഥികൾക്കാണ് വർഷം തിരിച്ചുപിടിക്കാൻ അവസരം.
ഒന്നാം തരം മുതൽ പന്ത്രണ്ടാം തരം വരെയുള്ള വിദ്യാർത്ഥികൾക്ക് പരീക്ഷ എഴുതാം. വാർഷികപരീക്ഷ നടക്കുമ്പോൾ താൻ കോവിഡ് ബാധിതൻ ആയിരുന്ന എന്നതിനുള്ള തെളിവുകൾ വിദ്യാർത്ഥി ഹാജരാക്കണം. രോഗിയുമായി നേരിട്ട് സമ്പർക്കം വന്നതിനാൽ പരീക്ഷ എഴുതാൻ കഴിയാതിരുന്നവർക്ക് ആ രേഖ സമർപ്പിച്ചും പരീക്ഷ എഴുതാം. പലകോണുകളിൽ നിന്നും അപേക്ഷ വന്നതിനാൽ ആണ് ഈ നീക്കമെന്ന് അധികൃതർ വ്യക്തമാക്കി. പരീക്ഷ എഴുതാൻ സാധിക്കാതിരുന്നവരുടെ വിവരങ്ങൾ സെപ്റ്റംബർ ഒന്നിനകം വിദ്യാഭ്യാസവകുപ്പിന് കൈമാറാൻ സ്‌കൂളുകളോട് നിർദ്ദേശിച്ചിട്ടുണ്ട്.
