January 21, 2020
January 21, 2020
ദോഹ : ഖത്തർ സന്ദർശിക്കുന്ന ഇറ്റാലിയൻ പ്രസിഡന്റ് സെർജിയോ മെറ്ററല്ല ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുമായി കൂടിക്കാഴ്ച നടത്തി. അമീരി ദിവാനിൽ നടന്ന കൂടിക്കാഴ്ചയിൽ ഇരു രാജ്യങ്ങളും തമ്മിലുള്ള പരസ്പര സഹകരണം വർധിപ്പിക്കുന്നതിനെ കുറിച്ചും പൊതുതാൽപര്യമുള്ള മറ്റു വിഷയങ്ങളുമാണ് ചർച്ച ചെയ്തതെന്ന് ഖത്തർ ന്യൂസ് ഏജൻസി റിപ്പോർട്ട് ചെയ്തു. മേഖലയിലെ ഏറ്റവും പുതിയ സംഭവ വികാസങ്ങളെ കുറിച്ചും മറ്റു രാജ്യാന്തര വിഷയങ്ങളും നേതാക്കൾ ചർച്ച ചെയ്തു.
ഇരു രാജ്യങ്ങളുടെയും മന്ത്രിതല ഉന്നത സംഘവും കൂടിക്കാഴ്ചയിൽ പങ്കെടുത്തു. പ്രതിനിധി സംഘത്തിനായിഒരുക്കിയ ഉച്ചവിരുന്നിൽ നിരവധി മന്ത്രിമാരും ഷെയ്‌ഖുമാരും പങ്കെടുത്തു.
