April 01, 2020
April 01, 2020
മസ്കത്ത് : കോവിഡ് ബാധയെ തുടർന്ന് ഒമാനിൽ ആദ്യമരണം റിപ്പോർട്ട് ചെയ്തു. 72 കാരനായ സ്വദേശിയാണ് ചൊവ്വാഴ്ച രാത്രിയോടെ മരണപ്പെട്ടത്. ഇതാദ്യമായാണ് ഒമാനിൽ കോവിഡ് മരണം റിപ്പോർട്ട് ചെയ്യുന്നത്.ചൊവ്വാഴ്ച വരെയുള്ള കണക്കനുസരിച്ച് ഒമാനില് ഇതുവരെ 192 പേര്ക്കാണ് രോഗം സ്ഥിരീകരിച്ചിട്ടുള്ളത്. ഇതില് 34 പേര്ക്ക് രോഗം ഭേദമായി.
അതേസമയം വൈറസ് വ്യാപനം തടയുന്നതിനുള്ള പ്രതിരോധ പ്രവര്ത്തനങ്ങളുടെ ഭാഗമായി ഇന്ന് മുതല് ഒമാന് നിയന്ത്രണങ്ങള് കര്ശനമാക്കി. ഗവര്ണറേറ്റുകള്ക്കിടയിലുള്ള യാത്രകള്ക്ക് നിയന്ത്രണം ഏര്പ്പെടുത്തി. ഇതിന്റെ ഭാഗമായി പൊതു ജനങ്ങള്ക്ക് വേണ്ടി സായുധസേന പുതിയ മാര്ഗ നിര്ദ്ദേശങ്ങള് പുറത്തിറക്കി.
സുരക്ഷാ ഉദ്യോഗസ്ഥന്മാരുടെ നിര്ദ്ദേശങ്ങള് പ്രകാരം, അത്യാവശ്യ ഘട്ടങ്ങളില് മാത്രമേ പൗരന്മാര്ക്കും സ്ഥിര താമസക്കാര്ക്കും പുറത്ത് യാത്ര ചെയ്യാന് സാധിക്കു. വാഹനങ്ങള് ഉപയോഗിക്കുന്ന സ്വദേശികള് ഡ്രൈവിംഗ് ലൈസന്സിനോടൊപ്പം തിരിച്ചറിയല് കാര്ഡും രാജ്യത്തെ സ്ഥിരതാമസക്കാര് ആണെങ്കില് റെസിഡന്റ് കാര്ഡും കരുതിയിരിക്കണം.
പൊതുജനങ്ങള്ക്ക് ആവശ്യമായ ഭക്ഷ്യവസ്തുക്കളും അടിസ്ഥാന ആവശ്യങ്ങളും എത്തിക്കുന്ന വാഹനങ്ങള്, നിര്മ്മാണ നിര്മ്മാണ വാണിജ്യ സാമഗ്രികള്, എണ്ണ ഉല്പ്പന്നങ്ങള് എന്നിവ കൊണ്ടുപോകുന്ന വാഹനങ്ങളും നിരത്തുകളില് അനുവദിക്കും അത്യാഹിത വിഭാഗങ്ങള്, ആംബുലന്സ്, സായുധ സേന, സുരക്ഷാ വിഭാഗം എന്നിവയുടെ വാഹനങ്ങള്ക്ക് റോഡുകള് ഉപയോഗിക്കാന് സാധിക്കും. സര്ക്കാര്, സ്വകാര്യ, സ്ഥാപനങ്ങള് പരമാവധി ജീവനക്കാരെ കുറച്ചുകൊണ്ട് അത്യാവശ്യക്കാരെ ഉള്പ്പെടുത്തി പ്രവര്ത്തിക്കുക എന്നിവയാണ് പുതിയ മാര്ഗനിര്ദേശങ്ങള്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
